US Zong Kawlram Thimnak Kongah Biatak Tein Bia A Chim Ve!

Kawlram Thimnak Tuah Dingmi Cu, Zalonnak Le Dinfelnak A Um Lai Lo!:: US

Hmaikum chungah Kawlram thimnak tuah an i timhmi ah hin zalonnak le dinfelnak a um lai lo tiah US cozah tuanvo ngeitu pakhat nih June 11 ah a chim.

Hmaikum August thla chungah thimnak tuah a si lai tiin SAC nih an chimmi kong he pehtlaiin zumhawk a har ngaingai ko tiah US ramdang pehtlaihnak ministry ah ruahnak petu Derek Cholet nih a chim.

Thimnak an tuah dingmi ah zalonnak le dinfelnak a um hrimhrim lai ka zum bak lo tiah Derek Cholet nih a chim. Ramchung ummi siseh vawlei cung ramdang siseh hlen a kan timhmi a si ko lai tiah Singapore ah an tuahmi Asia Security Submit ah Derek Cholet nih a chim.

Russia nih Ukraine cu luhhnawh in a tuk ruangah hriamnam kan bawmh bantukin Kawlram chungah a ummi SAC ralchanhtu hriamtlaitu phu hna nih hriamnam bawmhchanh dingin an kan hal/nawl nain atu tiang ahcun hriamnam bawmh dingin a ruat hrim kan ruat lo tiah fiang tein a chim.

Kawlram chungah ramkhel buainak le thlennak a chuah hnuin ramchung minung million 1 leng nih umnak inn lo an chuahtak tiah UN nih June thla hramthok ah khan cathanh an rak chuah i, fur caan a hung phak tikah khua caan chiat ruangah bawmhnak pe kho loin kan um sual lai timi thinphang a si tiah an langhter chih. Credit: The Chin Post

Be the first to comment

Leave a Reply

Your email address will not be published.


*