US Thimnak Thawngpang Thar Taktak, SUPREME COURT Lei Ah

Pennsylvania State in thimnak a tlingmi, House le Senate i Republican Party Congressmen le Senotor hna nih Ningani zan ah Supreme Court ah Nawlnak an tuah cang. Pennsylvania i thimnak ah a tlingmi President elect Joe Biden namhnehnak tuah ding cu tuah rih lo dingin an nawl.

Supreme Court Justice Samuel nih Pennsylvania cozoh nawlngeitu hna cu hmaizarh nithumni 19/12/2020 sanlei suimilam 4 hlan ah thil um tuning fianternak kan tuah lai tiah a theihter hna. George Joseph Kelly Jr. Republican Party, Pennsylvania US Representative hruaitu Republican hruaitu hna nih Coronavirus pandemic ruangah Pennsyvania State i a um lomi absentee hna vote thlaknak nawl an pekmi hna kha, phunglam he a kalh! Unconsitution a si ee tiah Supreme Court ah a chimh hna.

Zeiruangah kan ti ahcun hi buainak hi Pennsylvania Supreme Court nih kan hnuzarh ah khan a rak ruah cang i, a rak pom hna lo caah a si. Pennsylvania State ah hin US President tlinnak vote million 7 hrawng an thlak i, Joe Biden nih vote 81,000 lengin teihnak a hmuh hi a si. Cu ruangah hi State i, Electoral vote 20 cu a mah nih a hmuh viar hi a si.

George Joseph Kelly Jr le a hawi le nih he nawlnak Supreme Court i, an ruah lio ahhin Pennsylvania cozah nawlngeitu Democratic Gov. Tom Wolf le Secretary of State Kathy Boockvar hna cu a hodah teitu a si timi hi fehter rih lo dingin an nawl hna.