US Thimnak Kongah Thawngpang Felfai Taktak : US Election Thawngpangthar (9.12.20)

Pennsylvenia ah Biden nehnak pe hrih lo dingih kham sung dingin Republican-pawlin US Supreme Court an dilnak cu hnawlsak a si. Asinan Trump sihni Jenna Ellis cun Case cu hnawlsak a si lo, kham sungnak an hnawl sawn a si a ti.

Texas in Michigan, Pennsylvenia, wisconson le Georgia thu US Supreme Court ah a pulut. Hi Case hi an cohlang zo tiah Media Right cun a ngan. cun Alabama State khalin Texas an zawm ve.

President thar thutiam laknak ding hrang Inaugurataion Joint Conmmittee cun Biden cu President-elect tiah an pawm thei hrih lo.(The Epoch Times). Cuhleiah CIA briefing khal block a si. CIA hin President hrilthar mi hnenah nitin thuhla an report ṭheu mi cu tawpter a si.

Hi laiah hrilawk zan ihsin Biden cu ‘President-Elect’ tiih kotu Fox News cu a tlaniam vivo ih Trump ṭantu NewsMax cu nitinin a ṭhangso vivo. Newsmax ih “Greg Kelly Report” cun a vawi khatnak hrang Fox News ih The Story with Martha MacCallum” cu a lan riai. Kelly show zohtu 229000 a si ih MacCallum zohtu 203000 an si.

Lal Lian Zual
Naypyitaw