US Thimnak Kong: US Election le phichuak pehpar III

Trump cu a nupaw chung a chuah bak hin phaisa tom cung ah a rak chuak. Zatlak hi a thei bal tuk lomi asi. A tlanval hrawng ah millions $$$ in a hmai an huai i, miruam cia in vulei ah a ke a thlak tik ah, zatlak le sungh hi thei dawh asi lo. Mah ruang ah hin President i cuh zong ah hin Sungh caan a um ve, tei caan a um ve tihi cohlan ai harh khun ko rua.. amawh tuk lo kan ti hnga maw.

Nihin ah thil thar ai chapmi tete cu.. Pentagon i US ralkap General asimi Chairman of the Joint Chiefs of Staff Gen. Mark Milley nih bia roling pakhat a chim “Kan nih [ Ralkap ] cu minung pakhat, siangpahrang pakhat caah biatian in rian a tuanmi kan si loh….” tiah a chim. “We are unique among militaries. We do not take an oath to a king or a queen, a tyrant or a dictator. We do not take an oath to an individual.

No, we do not take an oath to a country, a tribe or religion. We take an oath to the Constitution…,” tiah a chim. Mah hi nih hin zei dah a chim duh tihi hrilhfiah ahau lem lomi asi. Mah ti a chin mi hi Defense Secretary Mark Esper le Cyber Security lei tuanvo neitu Department of Homeland Security i Bryan Ware Assistant Director hna Trump nih rian a dinhter khawh in asi.

Trump nih 2024 cu President kai cuh than lai ati ko hih. “Aw zei ti tha, kan sung ko rawh” atinak si ko lo maw?…Kan pu Trump cu 2024 ah teh nan vawt than te ne hna la cu. Credit: Salai Biak