US Thawngpang Thar: President Trump Catial Cu Lung A Tha Bak Lo Ee!

The General Services Administration (GSA) hruaitu Nu, Administrator of the General Services Administration Emily Murphy nih US President i thimnak ah Joe Biden cu teinak a hmu ko tiah ruah (apparent winner) ruangah phung ning tein cozoh thar (formal US transition) kalpi dingin nawl a pek hna. President elect Joe Biden hman dingmi phaisa zong $ 6.3 million hmannak nawl zong a pek hna.

US President Donaldo Trump nih twitter ah mah tihin a tial ” Pi Emily le a hawi le pawl phung ning tein a herh nan ti mi poh rak tuah ko cang uh, kei le ka hawi le pawl zong nih a herhmi poh kan rak pehzulh ve ko lai tiah a chim. Amah belte cu kan biacheih a kal liomi hi cu peh zulh in ka tuah rih ko lai tiah” a ti.

Trump Kongah Theihtha tuk mi:Cybersecurity and Infrastructure Security Agency director Chris Krebs cu Trump nih a rian in a phuah. Tutan thimnak kongah Chris nih “US tuanbia ah a fel bikmi thimnak a si; lih a um lo, vote thlaumi a um lo, hlonh sualmi zong a um lo, zei lei poah in tuah sualmi zong a um lo” tiah a chim.

Pre.Trump nih Chris biachimmi taarpiak chih in, twitter in a rian a vunphuah colh. US lawng hmanh si loin vawleicung pi ah FBI, CIA le CISA hna cu a thawng taktakmi an si i, a tlaitu director pawl zong mi lianngan taktak ah ah ruah an si.

Anmah pumpak min thatnak, pawngkam mit zoh tbk hna in bia an chim i rian an tuan cu uar an um lo taktak. Mah tluk office lian taktak dirhmun tlaitu a simi fa tuk in bia an chimmi pawl cu huat bak an tlai bak.

Trump hi politician a si lo nain a cheu bang hmanh an rak tluk lo. Trump sinah cun an lungthin put in an biachim in an dirhumn an fa tuk. Hi tluk lih le hlennak a tammi lak i hi bantuk biachim cu a rian phuah phu taktak si. Trump ciammam. Crd: Luther Tin Hre