US Rampi Zong Hi Ramchung Ral A Tho Kho Cang Tiah US Conggress woman Hlun Nih A Chim

US Rampi Zong Hi Ramchung Ral A Tho Kho Cang Tiah US Conggress woman Hlun Nih A Chim

US Congresswoman hlun: Kan ram ahhin Civil War chuak kho dirhmun ah kan dir

US ram Congress woman hlun a si mi Tulsi Gabbard nih cun kan ram ahhin ttih a nung taktak mi ramchung ral (Civil war) chuak kho dirhmun ah kan dir ee tiah Fox News he an biaruah nak ah a chim.

Hihi President hlun Trump ttanhtu hna nih US Capitol an luh hnawh mi kha ralhrang nih Word Trade Center vanlawng in an rak pah mi thilcang mi he khan an tahchunh ruangah a si.

Kum 2020 lio ah US Presidential candidate a rak si mi Gabbard nih cun tulio an ram hruaitu Joe Biden le a party hna nih anmah vote a pe duh lo tu America ram mi millions tam taktak cu kum 2001, September 11 ni ah a rak cang mi ralhrang cawlcanghnak he khan tahchunh an timh ee tiah a chim.
Hi ruangah hin kan ram nih Civil war a naih taktak cang tiah a chim.

“Hi hna pawl nihhin an duh mi poh an chim. Kan miphun American mi hna cu ralhrang pawl he an tahchunh mi hna hi cu thil fihnung taktak a si. Al Qaeda ralhrang nak hmanh in ttih an nung deuh tiah an chim. Hi nih a langhter mi cu zei tluk lam hla dah kal an duh timi a si. Cu nih cun kan ram hi Civil war ah a nam chih. Cucu an nawlngeihnak hmun seh ti an duh ruangah a si ko. Kan ram ah nawl a ngei deuh mi le mifimthiam timi hna nih American minung tampi cu Joe Biden an vote duh lo ruangah an target hna” tiah ralttha taktak in a chim.

Midterm thimnak kan naih cang, cucaah American mi kan dihlak nih kan i ralrin thiam a hau, an nih nih cun Thutden an co khawh nak ding a si phawt ahcun zeibantuk thil nih dah a zulh khawh timi zong an tuak lai lo, kan ram a rawk zong an zei poi lai lo. Cucaah hi bantuk thil hi a tak in kan can ter lo a hau tiah a fian ter chap.

Joe Biden nih hin an chim mi zalonnak le mizapi tthatnak nakin nawlngeihnak hi a duh deuh. Cucaah kan ram Big Tech hna le National Security state hna he fak piin rian an ttuan. Cu nih cun kan ram a hrawk lai i ramchung ral a thawhter khawh mi a si ee tiah a chim chap.

Relchap>>>>>Russia ram President Putin cu aho ti theih lo mi nih thah an timh nain a luat tiah theih a si.

Ukraine ram a kap cuahmah tu Russia ram President Putin cu a mawtaw cit mi hmailei ke in thil a puak i a khu thluahmah colh. Asinain Putin cu amah vengtu hna nih a ran khawh chung in an teh pi colh caah a him tiah an langhter. Amah zultu mawtaw pakhatnak cem cu ruah lo piin Mizaw phurtu mawtaw nih a kham colh, cu lio pi ahcun Putin nih ai cit mi mawtaw in thil a puah hi a si.

Cu thilcang mi ruangah amah vengtu hna lak ah mi cheukhat cu an tlaih colh hna tiah an langhter chap.

Hi kong he pehtlaiin zeihmanh biafiang theih a si rih lo. Amah President Putin tu cu him tein a inn ah aum ko ti lawng an feh ter khawh mi a si rih.

Nizaan tihni ah Putin Russia ram a cozah bawi cheukhat nih na rian chuah tak cang tiah ca an chuah hnawh. Asinain cu bantuk in ca a chuahtu cheukhat cu an tlaih hna tiah an langhter.

 

Be the first to comment

Leave a Reply

Your email address will not be published.


*