US Ram Lamzawh Pawl Cawlcangh Ning A Luan Tuk Cang, Bible Le US Alan (Flag) Zong Mei Ah An Khangh Vial Cang

Nihin tiang ah US ramchung mui a chiatter tu hna le US ramchung hnahnok ngai in a tuah tu hna minak nunnak zong a biapi tuk “Black Live Matter” tiin a au cuahmah lengmang mi hna nih nizan ah khan US ramchung Portland khuapi The Federal Courthouse innpi pawng ah thil an khangh hna i cu ah cun Bible cauk pawl hna le US thantar (Flag) pawl zong an khanh chih mi hna ruang ah mi tamtuk an thin a phawh cang hna.

Reporter Danny Peterson nih a chim ning ah cun “minak pawl caah lamzawh nak a ngei cuahmah mi hna “BLM” pawl nih Federal Courthouse zung pawng ah mei an duah hna i thil tamtuk an khangh hna. Thil dang an khangh mi pawl chung in Bible cauk hna le US Flag pawl zong an khangh chih hna i zinglei suimilam 1 hnu ah anmah lak in minung pakhat nih mei an khangh mi cu ti a toih hnu ah mei cu a dai than” tiah report peknak ah cun a chim.

Human Events Editor Lan Cheong zong nih Bible cu mei an khangh nak hmun lei ah an kalpi lio video zong an rak langhter i mei in an khangh mi cu video in an thlah, cun lamzawh pawl nih hin Western Civilization nunphung hi hrawh le rawhral ter an i timh mi a si caah Khrihfa biaknak nunphung zong hi hrawh dih an timh hi a si tiah a chim ve.

Hi lamzawh phu pawl hi Riots timi an si hna i US ramchung Portland ah minak pa Georgy Floyd an thah hnu Kay 25 ah an rak dirh mi phu an si.

 124 total views,  1 views today

This function has been disabled for Chin 11 News.