US Ram Cu Sualnak in A Khat Ko Cang Hi! Trump Nih A Doh A Herh Taktak!

(Note: A Tlangtar he pehtlai in Nu dok pa dok te  hna hi Khrihfami nih cun kan doh bak awk a si. Trump hrimhrim nih a doh awk a si.)

Salai Lairamthang- 1. US supreme court nih LGBTQ timi, lesbian, gay, bisexual, transgender le queer pawl rian peknak caah thleidannak tuah lo ding in biachahnak cu nizan ah supreme court nih vote an thlak i, 6-3 an in fehter. Mah an tuahmi ruangah khrihfa nih tuahmi institutions pawl, sianginn, non profit organization pawl caah harnak a pek te hna lai tiah an zumh. Khrihfa mi hna nih dirhmi institutions pawl cu khrihfa zumhnak ning in rian pek an si. Nule pa sinak a thlengmi, same sex marriage a cohlang mi, nau hrawh le nau thah a pommi pawl hi khrihfa riantuantu caah laak an si bal lo. Asinain tutan Supreme court nih biachahnak an tuahmi nih khirhfa hna zumhnak ning in dirhmi institutions pawl ah zum lotu rian pek lo ahcun tazacuai khawh a si lai. Cucaah LGBTQ nih tazacuainak a phunphun le buainak a phunphun a chuahpi te lai tiah an ruah. Cucaah US khrihfa conservative tam deuh cu an lung a rawk ngaingai. (Note: A Tlangtar he pehtlai in Nu dok pa dok te  hna hi Khrihfami nih cun kan doh bak awk a si.) Thawngpang bultan zong a dang rel chap!

2. Us Senate cu July 3 in July 17 tiang khar a si lai caah a voi hnihnak US cozah nih bawmhnak pek a timhmi second stimulus check kong cu July 20 cheu tiangah ceih khawh ding a si rih lai lo. July 20 hnu lawngah Senate meting an thu lai. Senator John Thune nih July thla dih lei lawngah kan ceih khawh lai tiah a chim. Cucaah bawmhnak pek ding in biachahnak an tuah ahcun August thla dih lei lawngah a si te lai.

3. The infectious disease expert Dr.Fauci nih Coronaviru hi a dih rih lo. US thlanglei state 17 hrawngah cun a thar in kharh hram a thawk than tiah a chim. A hlei in Alabama, Arizona, Florida, Nevada, North Carolina, Oklahoma, Oregon, South Carolina le Texas state lei ah a karh cuahmah tiah a chim. Covid-19 nih faak bik in a dennak state a simi, New York, New Jersey, Illinois le Massachusetts ahcun a zor ngai cang tiah a chim. Tuchun tiangah a thimi, 116000 an si, a zaw balmi 2.1 million an si. Tulio hi virus nih Tuluk khualipi Beijing le India ram ah biatak tein a den lio hna a si.

 201 total views,  1 views today

This function has been disabled for Chin 11 News.