US Ram Chung Ah Cauk Dawr Hlunbik A Si Mi Pahnih Mei In An Kangh Dih

America ram cu minak pa George Floyd thihnak ruang ah lungfah nak le ngaichiat nak langhter in lam a zawh mi hna nih dawr tampi hna le Motor tampi hna an hrawh cang hna. Hi lam zawhnak ah hin fir ruah le thil sual tuah ding hrimhrim in a chuak mi mithalo pawl zong an rak tam tuk ve hna. Cu hna pawl nih cun America ramchung ah Cauk dawr a si mi kum zabu zeimawzat chung Cauk an chiah cang nak hmun Uncle Hugo’s Science Fiction Bookstore le Uncle Edgar’s Mystery Bookstore cu mei in an rak khangh dih cikcek.

Hi Cauk dawr hna hi hmai tonh in a um mi an si I 1974 March 2 ah an rak dirh cang mi Cauk dawr ngan taktak a si. Cun hi Cauk dawr a ngeitu hi minung pakhat lawng a si ko nain America mipi nih an I thathnem pi taktak mi le Cauk phuntling an hmuh khawh nak dawr a si.

Cun Uncle Hugo’s Science Fiction Bookstore hi America ram thawhkeh nak le ram tuanbia a kilkawi tu Cauk dawr zong a si caah sianginn a kai lio mi hna le fimnak a kawl cuahmah mi hna nih cun fak ngai in an I ngaihchiat pi.

Hi Cauk dawr an khangh mi ah hin vawlei cung mifim hna pawl nih an minthut bak in Cauk an rak tial mi hna, vawlei cung ram tuanbia hna le hlanchan thil sining hrilhfiah nak Cauk tampi an I tal hna. A dihlak in mei nih a kangh mi Cauk hi uk tingkhat leng hrawng a si caah tangka man in tuak ah cun 1 million nak tamdeuh a si.

Source: CGTN

Ref: Oldest independent science fiction bookstore in U.S. burned down in riots

Popular New Journal

 128 total views,  1 views today

This function has been disabled for Chin 11 News.