US Ram Ah A Um Mi Hna Caah A Voihnih Nak Bawmhnak Kong A Hnubik Thawngpang

Hi thawngpang hi US ah a um mi Salai Lairamthang nih a tial mi chung in mipi nih kan theih awk a tha ko, a biapi ko tiah ka ruah caah ka rak Copy ve mi a si. Salai Lairamthang mi catial thiam a si pinah mipi caah a herh mi le theih awktlak a si mi thawngpang an kan tial piak lengmang mi a si caah keimah pumpak in ka upat ngai mi a si. Cun a ca tial mi zong hi ka Copy pah lengmang mi zong a si.

US cozah nih a voi 2nak bawmhnak pek an timhmi, Second Stimulus Check pek kong ah White House+ Republican le Democrats pawl lungtlinnak taktak tuchun tiangah an ngei kho rih lo. Kap hnih lungtlinnak lam an kawl lio a si. Avoi khatnak check kan hmuh zet kha cu kan hmuh ko lai. Democrats pawl nih coronavirus he a pehtlai lomi pawl bawmhnak package bill chungah telh chih an duh peng caah atu bantuk in a rauhnak a si.

Democrats pawl nih Food stamp hi 15% tiang chap chih an duh.Cun State cozah zong bawmh an duh, Federal cozah nih riangei lomi hna bawmhnak zarh khat $600 chap chihmi kong zongah an lung an I hmu kho rih lo. Tuzarh chung i kap hnih lungltinnak an ngeih khawh lo ahcun Unemployment $600 chap chihmi kha cu tuzarh ahcun claim khawh a si rih lai lo.

Democrats nih U.S. Postal Service zong phaisa chap chih an duh. Asinain President Trump nih US postal service pawl nih cakuat man an kaiter a hau. UPS le FedEx postal service tu nih US postal hmang in an thilri kuatnak service i an hman chinmi hi a dik lo tukmi a si, aman an kaiter ahcun anmah tein a nung kho tuk ding an si tiah a ti ve.

Laknak: Salai Lairamthang’s Fb

 

 182 total views,  1 views today

This function has been disabled for Chin 11 News.