US President Pawl An Umnak White House Lampi Cu “Black Live Matter Plaza” Tiin Min An Thlen Cang

Kan hnu deuh ah minak pa  George Floyd thih hnuin US rampi cu khuaci mui in an um hna i US rammi minung thong tampi hna nih minak pawl firkamh in lam an zawh cio lawng hmanh si loin vawlei cung ramkip ah minak pawl vialte nih an umnak ram cio in lamzawh nak le “Black Live Matter” tiin buainak an rak ser cio hna.

Hi tluk in US ram chung ah thinphang le dirhmun chia in an um dih lio hna ah President Trump a rak zuamcawh tu hna le a rak remlo mi pawl hna nih cun caantha ah an rak lak ve hoi. Tukum cu US President thim ding kum a si bantuk in President Trump a zuamcawh tu hna nih cun caan tha ah an rak i lak thiam ve tuk caah aralai mi November thla chung ah US President thimnak ah khin President Trump hi kan thei khawh lai tiah fak piin an i zuam ve hna.

Washington uktu Muriel broser zong hi Democratic party a si pinah minak pawl thatnak le dinfel nak hmuh piak in rian a rak tuan ngai ve mi a si i US President pawl an umnak hmun White House kalnak lampi pakhat cu “Black Live Matter Plaza” tiah min a rak thlen diam ko.

Black Live Matter Plaza tiah min a thlen piak hna lawng hmanh si loin lamcung ah cun cafang ngan taktak in “BLACK LIVE MATTER PLAZA” tiah a rak tial hi a si. Hi kong he pehtlai in Washington uktu Muriel Broser nih cun minak pa  George Floyd thih nak kong ah lam a zawh mi hna pawl thazaang pek nak le dirkamh nak ah ka tuah mi a si tiah zong mipi theih in a chim.

 202 total views,  1 views today

This function has been disabled for Chin 11 News.