US President Nih Rev. Billy Graham Kong Zeitin An Rak Chim Cio? (Video Link He)

North Carolina i lothlo pa Rev. Dr. Billy Graham tuanbia hi kan theih lengmang kan ti nain kan theih lomi a rak tam deuh rih. Pathian nih thawng tuk in vawleicung ram kip ah a hmannak le khuaruahhar in vawleicung hruaitu kip hna he pehtlaihnak a ngeih i, zeitluk in dah an nunnak a thlen hna timi hi kan thei thlu naisa hna lo.

US President thing George Herbert Walker Bush nih cun a mitthli he ‘Billy Graham, phungchimtu, lothlo fapa, vawleicung a thlengtu pa hi (Pathian nih) thlarau laksawng a kan pekmi a si’ a ti.

‘Billy Graham thawng in ni fatin tein thla ka cam zungzal. Pathian nih fimnak le thil ti khawhnak a ka pek i hmaan tein bai ka chah khawhnak hnga thlacamnak ka ngei lengmang. Cun Pathian rian ka tuan i a duh ning tein ka um khawhnak hga kaa zuam lengmang’ tiah US President thing Ronald Reagan nih a chim. VIDEO LINK zong in zoh khawh a si.

Pathian nih Rev. Billy Graham cu America thlauchuah a pekmi minung pakhat hrimhrim a si ko. US President kip nih Rev. Graham sinin ruahnak an hal i, fimnak an hal; thlarau rawl an ei i, thlarau ti an dinnak a si. Kum zabu 20 in thlarau in a siah vawlei leiin a siah America cu a hruai ko kan ti ahcun kan palh lai lo.

Link ah khin zoh than u law zeitluk in dah Communist ram Taluk in Russia tiang Pathian nih a hman timi zong hmuh khawh a si. Cun Ralpi Pahnihnak lio i raltuknak nih a hrawh i a denmi ram hna sinah zeitluk in dah Pathian nih hnemtu le thawngtha bia phuangtu ah a hman i an hruaitu kip nih an sawm i, an ton timi zong tampi kan hmuh khawh.

America Hruaitu Hna le Rev. Billy Graham
President thing George W. Bush, First Lady thing Laura Bush le Rev. Billy Graham
President thing Obama le Rev. Billy Graham an i ton i fimnak le thlaurau rawl a hal lio
President Donald Trump nih Rev. Billy Graham bialehnak a ngeih lio.

 237 total views,  1 views today

This function has been disabled for Chin 11 News.