US President-elect Joe Biden nih forhfialnak bia a chim cang hih!

๐“๐ก๐š๐ง๐ค๐ฌ๐ ๐ข๐ฏ๐ข๐ง๐  ๐๐ข๐๐ž๐ง ๐๐ข๐š๐œ๐ก๐ข๐ฆ๐ฆ๐ข: โ€œ๐Š๐ก๐š๐ญ ๐ฅ๐ž ๐ค๐ก๐š๐ญ ๐ฌ๐ข ๐ฅ๐จ ๐ข๐ง, ๐•๐ข๐ซ๐ฎ๐ฌ ๐‘๐š๐š๐ฅ ๐ญ๐ฎ ๐Š๐š๐ง ๐ƒ๐จ๐กโ€ โ€œCovid-19 in US kan temtuarnak a caan a sautuk cang. Cucaah i thenhmalnak donghter a cu cang,โ€ tiin US President-elect Joe Biden nih forhfialnak bia a chim. โ€œAmerican nih kan dohmi raal hi virus a si, khat le khat kan si lo,โ€ tin Thanskgiving holiday i biachimnak a ngeih lio ah Biden nih a chim.

US ah virus a karh lei a panh cuahmah ko rih caah, cuhlan i holiday an chuah bangin cun tutan ah cun chuah lo dingin thazang a pek hna. Nov. 3 election phichuak a kupthal lehpiak dingin Trump nih amah a tanhtu pawl cawlcangh a fial hna.

Pennsylvania i Republican state legislators pawl nih an tuahmi puai ah White House a umnak hmun in Trump nih phone in biachimnak a ngeihpiak hna. Cu lio zongah cun election fir a tonnak kong tu le tu a vun nolh thiamthiam ko rih.

โ€œHi election hi a khupthal kan leh a hau. Timh ciammam tein an firmi a si,โ€ tiin a chim. Puai an tuahnak ah cun kal dingin timhlamh a si ko nain, a sihni Rudy Guiliani zong virus nih a tlunh ve cang caah, an let thanmi a si. Amah Guiliani tu cu a mipum hrimhrim in a vai tel thotho, tiah theih a si.

Electoral college votes ah Biden nih fawizang ngaiin buan a co. Rian i chawnnak ding zong cu a tu hi an kalpi cuahmah cang. Key states i Trump nih tazacuainak a tuahmi vialte cu nihin tiangah cun hlawh a tlingmi a um rih lo.

US media nih Biden buan a conak kong thawng an thanh zarh 2 lenglo hnu ceu ah Wednesday ah khan China President Xi Jinping nih Mr Biden sinah a cawnglomhnak capar a vun kuat ve.

Asinain, Russia President Putin, Mexican President Lopez Obrador telhchih in, vawleicung pumpi hruaitu tampi hna nih cun nihin tiang biaka an aang rih hna lo. โ€œUS election an tawlrelmi a dongh cikcek hlan lo cu cawnglomhnak ka langhter rih lai lo,โ€ tiah Mexican President Lopez nih Wednesday ah khan a chim.

๐‡๐ข ๐ฏ๐ข๐ซ๐ฎ๐ฌ ๐ก๐ข ๐ค๐š๐ง ๐ญ๐ž๐ข ๐ค๐ก๐š๐ฐ๐ก๐ฆ๐ข ๐š ๐ฌ๐ข ๐ค๐จ โ€œNan President sinin biatak theih peng dingah ai tlakmi nan si dih hna, tiah ka zumh. Virus a karhsomi hi kan tlaihbawh, hmunhter a hau. Cu bantuk rian kongah cun doctors te le, nurse pawl le suul a pahtu hna cungah leiba tampi kan ngeiโ€ฆKan citizens hawile cung zongah leiba kan ngei. Covid nih kan ngan a kan fahtertuk cang, a kan sunghtertuk cang, kan lungthin a hrawhtuk cang, minung tamtuk nunnak a kan lakpiak cang. Kan lungthin a kan thenhmal dih, kan thin a kan hunter, khat le khat a kan raalter phah. Virus donhnak kongah kan ram pumpi in kan thin lawng a phang chinchin cang, ti cu theih cio mi a si. Asinain, kan theih dingmi cu hihi a si โ€“ virus kan do, khat le khat kan i do lo,โ€ tiin Biden nih a chim.

โ€œKan ruangruh hi thir bangin kan fehter a hau, a lethnih in thazaang chuah kan hau, virus do dingin kan pum kan i pek than a hau,โ€ tiin thazaang a pek hna. โ€œCun Thanksgiving puai nan tuah tik zongah fimkhur tein tuah u. Kei cu, mipi he vai ton i puai va tuah nak cha in cun, ka nupi Jill le kan fanu le a vapa ti vial lawngin puai kan tuah ko lai. A dang a tangmi kan chungkhar pawl cu kanmah bang cun hmetete in phu an i then ve lai,โ€ tiin a chim.

Tu kum holiday hmang dingin khual a tlawngmi hna an miluzat hi ni kum lio nak in cun a zor ngai ko. Asinain, ngandamnak lei officials pawl nih virus kongah ralrinpeknak nolhcip in an thanh ko nain, American mipi lakin million tamtuk kaa dangah a ummi an chungkhar tong dingin khualtlawn an i thawh thotho ko hna.

โ€œTinhmi caan chungah virus hi kan tei khawh te ko lai. Virus kan tei khawh ko, ti hi ka hngalh. Cucaah kan tei lai. Nunnak hi punghman ningtein a vun si than cang lai, tiah bia kan kamh hnaโ€ tiin Biden nih a chim.

โ€œKhat le khat lungthin i thenhmalnak khuacaan hna cu ceunak le lung i rualnak chungah an tlau dih te ko hna lai, tiah ka zumh,โ€ tiin a chim. US ah virus a karh chinchin ko nain, Thanksgiving holiday zong cu a vun i phua. Tuesday lawng i a thimi hi 2,000 an si than cang i, cucu May thla hnu in a zualhmabikmi dirhmun a si. US i a thimi hi 260,000 an si cang i, vawlei cungah a tambik an si, tiin Johns Hopkins University nih a chim.

๐‘๐ข๐š๐ง ๐ข ๐š๐ฉ๐ง๐š๐ค ๐ค๐จ๐ง๐ ๐š๐ก ๐ณ๐ž๐ข ๐ญ๐ก๐ข๐ฅ ๐๐š๐ก ๐š ๐œ๐š๐ง๐  ๐œ๐ฎ๐š๐ก๐ฆ๐š๐ก๐ฆ๐ข ๐š๐ง ๐ฌ๐ข? Election in zarh 3 dengmang a rauh hnu ah, Monday in khan cun phungningte i rian i apnak thok dingin Trump zong a lung a tling ve cang. January 20 i president office a conak dingah timhlamhnak a thok cang bangin, key government officials le fund hrang i an chiahmi dollar million tampi cu Biden nih a tak in a vun hman khawh ve cang lai.

Presidential Daily Brief (biachimnak) zong a ngei kho cang lai โ€“ international lei in a rami hrocernak siseh, thil sining ai thleng tharmi pawl kong zong a theih khawh cang lai. Monday ah khin Aide Jen Psaki zong a hmasabik biachimnak a vun ngei kho cang lai. Cun, Biden a senior team kut ah cozah biathup pawl zong hromh an si ve cang lai.

Tuesday ah khan, a cozah sernak ah a herhmi rian 6 caah minung a thim hna. Cu hna lakah cun secretary of state le national security adviser zong an i tel. A economic team telhchih in hmai zarh lei ah khin a dang zung riantuantu pawl tampi rian a khanh rih hna lai, tiah theih a si. Minung ai thimmi a tamdeuh hi cu Senate nih a namhnehpiak ta hna an hau te lai. Catialtu: Chelsea Bawi (GRCM) Angeitu!