US President Donald Trump Riantuan Nak Thawngin Israel Palai Pawl Nih United Arab Emirates an tlawng cang hna lai

Israel le United Arab Emirates (UAE) cu hmunkhat ah rian kan tuan tti lai ti i remnak an tuah hnu ah, an i rem nak felfai te i an kal pi khawhnak dingah, nikhatni ahhin Israel national security adviser, Meir Ben-Sbabat hruainak in Israel palai pawl cu UAE-ah an tlawng lai, US President Donald Trump riantuan hawi pawl nih an tel pi hna lai.

Israel prime minister Benjamin Netanyahu nih hi konghe pehtlai in a chimĀ  August 13 ah US riantuan nak thawngin Israel le UAE Nih hmunkhat riantuan ding i a rem an ti hnuah high-level meeting an neih hmasa bik a si lai. Remnak an siam hi ram kip nih an duh pi hna nain, felfai te i minthut cu a um rih lo i, cu lawng si loin embassy hung ding kong ah siseh, chawleh chawthal nak le ii tlawn kai nak ding kong vialte an ceih tti lai.

 

 

UAE ah palai an thlah ding mi hna hi White House senior adviser Jared Kushner, national security adviser Robert O’Brien US Middle East envoy Avi Berkowwitz le US official dang pawl zong nih an hngalh pi hna lai. Tel Aviv in Abu Dhabi an panh lai.

 152 total views,  1 views today

This function has been disabled for Chin 11 News.