US President Donald Trump Cu China Virus Nih A Phak Ve Caah Rakap Hospital Ah An Chiah I A Dam A Si Ah Cun China Ram Cu Zeitluk Fak In Dah A Thuat Te Hna Hnga

US president Donald Trump Coronavirus a nei tiah thangpang a leng hnu cun vulei pi cu khuaruahhar in an um dih, a dam chuak lo a si ah cun US ram pi cu muihnak nih a khuh cang lai tiah a chim mi an tam pi, mahtlauk i an ram nih buainak a ton lio Donald Trump ngelcel i Covid-19 a kai ve hi cu a poi tuk ti bak lo cu chim ding dang a um lo.

Donald Trump i Covid -19 a kai ti an theih bak in ram kip hruitu pawl nih hnemhnak ca an kuat i a poi an ti nak cu Donald Trump an hei chimh cio. An nu tucu a no rih caah a dam chuak ko lai nain, a mah Donald Trump cu kum 74 mi a si cang i a tuar kho lai lo tiah a zum tu zong an tampi.

Mah zawtnak a neih an theih bak in England Prime Minister le India Prime Minister, Russia President ramkip hruaitu hna nih hnemh nak ca an kuat tiah theih a si. Trump cu a tu hi Ralkap Hospital ah an chiah i, a tlawmbik ni 14 chung cu a dam zongah dam lo zongah a um rih lai.

Tulio a rian tam ning le Campign tuah ding tibantuk, debate voihnih tuah than ding zong a si i, a cu lio i Covid-19 a kai hi cu a poi an ti tuk cio. Mahtluk i China a huat lio i China Virus tiah a au lio i a mah i a mih ve hi cu China ram hruaitu Xi Jing Ping a lawm tuk lai tiah media zei mawzat nih an chim. Asinain Donald Trump nak i thlacam piak tu a nei mi minung hi US president ah an um rih lo i, A mah nak i dotu le hua tu a nei mi zong an um rih lo.