US Nih Lungrethei Ngai In Sawmnak A Rak Tuah Lengmang Mi Cu China Nih Zuamcawh Nak He A Leh Diam

Catialtu: Chelsea Bawi 

Keimah Tluk lawngin Nuclear Hriamnaam i Ngeih Ve Cang, tiin China nih US a Zuamcawh

BEIJING (Reuters) – Kanmah (China) level tiang lawngin Nuclear hriamnaam i ngeih dingin US nih a lung a tlin lawnglawng ah US le Russia he hriamnaam control tuahtinak kong ceihhmainak ah kai tel ve lai, tiin Wednesday ah senior Chinese diplomat nih a chim.

US le Russia karlak i nuclear hrimnaam control tuahnak kong hnatlaktinak an tuahmi hi kumvui cun a dih cang ding a si caah, tharchuah than dingin timhlamhnak ai ngeih lio pi a si. Cu minthutnak ah cun China i tel ve dingin US lei nih a tu le tu an sawm.

Cold War chan lio i superpower ram a si mi Russia le US he biaruahtinak ngeih ka duh lo. A chacha chap lo ah, US nih nuclear hriamnaam ai ngeihmi vial cu kan (China) i ngeihmi nuclear hriamnaam nakin a let 20 in a tamdeuh fawn, tiin Head of the arms control department of Chinese foriegn ministry nih a chim.

US nih nuclear hriamnaam a ngeihmi hi China nih kan i ngeihmi vial tiang lawngah thumh dingin a lung a tlin lawnglawng ah an sinah kai tel colh ve ko lai. Asinain, a fiang ko mi cu, US nih cu bangin an tuah bal lai lo, tiah China lei nih an chim.

A tu bantuk i US nih an kan sawmmi tham hi cu, New START, timi Russia he hriamnam control dingin hnatlaknak an tuahmi chuahtak a duh cang caah, Russia lung vun tuaiter dingin hman a kan duh caah a si, tiin China nih ai ruah ve.

US nih ai tinh taktak mi tham cu, a hriamnaam ngeihmi cung i restriction an tuahmi vialte vun hrawh dih i, amah a dironhtu paoh fawizaangtein vun iap (tei) khawh a duh caah a si, tiin China nih an chim.

International nuclear disarmament process (vawleicung pumpi i nuclear hriamnaam vialte hrawh dih ding) in China hi a chuah bia a si lo. Nuclear tih a nunnak vialte thumh dih dingin UNSC chungtel ram 5 nih phung kan ngeihmi tang te ah riantuan ka duh, tiin China nih a chim.

 146 total views,  1 views today

This function has been disabled for Chin 11 News.