US Mipi Bawmhnak An Pek Ding Ah Hin Na Telve Lai Maw, An Pek Ding Ning Hi Rak Zoh Than

Caan zei maw zat chung hngah cang mi le tlamtling kho te hnga maw tiah ruah cio mi cu hmaizarh chung ah mipi kut cung ah a phan cang lai. Hi bawmhnak an pek ding mi kong ah tunai te ah khan Salai Lairamthang nih hi ti hin a rak tial.

US Treasury secretary STEVE Mnuchin nih hmaizarh chungah cozah bawmhnak $600 kuat dih nan si lai tiah tuzing ah CNBC interview ah a chim. Kum khat income $ 75000 tang a ngahmi paoh nih hmuh a si lai. Kum thar laksawng tinak si ko hih” tiin a rak tial hi a si.

Hi bawmhnak kong he pehtlai in nizan tiang ah thawngpang an thanh ning le mipi sinah langhter a si ning ah khan cun “Congress palai pawl cu weekend zongah din loin meting an tuah hnu ah US$900 billion economic relief package cu White House,

Republican le Democrats hruaitu hna lungtlinnak an ngei cang. Mah lungtlin mi chungah minung pakhat nih $600 cio pek dingmi zong a tel chih. Asinain kum khat ah minung pakhat nih US$ 75000 nak tlawm a hmumi lawng nih an co lai.

Kum khat hmuhmi income $75000 a ngahmi nuva nih fa pahnih an ngeih chih ahcun $2400 an ngah khawh lai tinak a si. Thaizing ah zeitik ah dah Stimulus Check an kuat lai timi fiang deuh in an chim te lai.

Rian ngei lomi unemployment benefit a ngahmi cu zarhkhat ah federal nih US$ 300 pek chap an si lai. Small business a tuahmi hna caah $300 billion an thlak piak hna. Mah hi cu small business a tuahi pawl nih sawk dingmi a si.

Tu zanlei ah Senate hruaitu Mitch McConnel nih hnatlaknak an ngei cangnak Washington Post ah a chimmi a si. Atu an chuahpi mi bill hi kap hnih lungtinnak a si cang caah fawi tein senate le house nih tuzan asiloah thaizing ah an pass colh lai tiah zumhnak an ngei. Congress nih an pass mi cu President Donald Trump nih min a thut lai i fehter colh a si lai. President Donald Trump nih cun minung pakhat nih $1200 in $2000 tiang pek ding an si tiah a ti.

Nan hawile a thei lomi caah rak share chin te ulaw.

Catialtu: Salai Lairamthang