US Le Australia Laimi A Tlai Hlanah Nan i Ralrin Taktak A Herh!

Catialtu: Van Tum

Chinmi nih kan theih awk ah a herh tiah ka ruahmi:

Atu Laimi ramdang ummi nih Midum pawl hi mi thathu, mitha lo le mi sifak zong an tam tiah kan nehsawh ngai hna. Laimi ramthumnak i a ummi pawl zonghi kan i ralring lo le kan teimak deuh lo le a bik in kan fale sianginn kan kaiter khawh hna lo ahcun atu hnu kum 30/40 ahcun midum pawl nak in mi sifak le misual le mi thalo le mifir kan tam deuh te lai, kan milu zatuak in tibia. Aruang cu atu nan fale nih hin atu i nu le pa nih nan ttuanmi rian hi an ttuan duh te lai lo, an i nautat lai.

Cozah riantttha le an ttuan kho fawn lai lo. Cu tik ah fir le sual in an vak lente hna lai. Cu ruangah cun nan fale tanghra an awng hnu ah college ttha tein kaiter hna uh. Phaisa ui hlah uh nan fale fimcawnnak caah. Ramrumnak ah refugee in nan ratnak aruang cu in hal hna seh law kan fale caah si ko tiah nan ti cio ko lai, mah ti cun chim cio lengmang a si ko. Nan a taktak ah nan fale tangra an awng in college kaiter nan duh ti hna lo.

Nan fale college kaiter i phaisa $10,000/15,000 kumkhat i dihnak in Laitlang i nan chungle kuat kha nan duh deuh. Mah zong cu a biapi tuk ve ko. Aruang cu Laimi cu kan sifak tuk ruangah refugee in ramdang ah kan kal dihnak zonghi a si. Nu le pa nih an ti tawnmi cu fale phaisa tampi dih in college kaiter nak in Laitlang i chungkhat kuat a tha deuh, a hlawk deuh nan ti tawn. Phaisa tampi dih in college kan kaiter hna lai i an dih hnu ah zei ngai an si lai lo, zei ngai rianttha zong an ttuan kho hlei lai lo nan ti lengmang tawn.

Mah nih a chuahpi dingmi cu nan fale cathiam lo le cataang nei lo an si ahcun atu midum pawl bantuk in misual le mi sifak an karh ve lai. Atu cu ramthumnak kan phakka te lawng a si tik ah nu le pa hi Laitlang in harsat bu tein a phanmi kan si fawn tik ah rianttuan kan fel, kan teima, zei rian poah kan ttuan huam tik ah fawi tein kan fale zong kan cawm khawh rih hna. Cu tik ah kan fale zong duh tawk in an vak an nung, an i nuam. Nan hi hnu kum 30/40 ahcun nu le pa hi rian nan ttuan kho ti lai lo i nan fale nih le nanmah ttuan mi bantuk an tuan duh lai lo i mi sifak le misual kan karh tuk te ve lai.

Cu ruangah cun atu in nu le pa nih nan fale tanghra an dih in college kaiter khawh i zuam hna uh. Nu le pa nih atu in nan fale ttha tein cawnpiak le zei rian poah ttuan huam ding in cawnpiak hna uh. Phaisa tampi dih in college kan kaiter lai i a dih in zei ngai a si hlei lai lo ti hlah uh. Anmah zong college an kai pah in part-time rianttuan huam ding in cawnpiak hna uh, bawm hna uh. Heh tiah ca zoh le ca i zuam an huamnak ding in forhfial hna uh.

Kan nih Laimi le bang cu miphun tlawmte kan si i mirum zong kan neih hna lo tik ah mi sifak le misual kan tamtuk tik ah cun ningzah mualphonak kan minung ning in kan tuar te lai. Atu midum nak hmanh in kan zual deuh te lai. Cu ruangah cun nu le pa nih nan fale caah ramthumnak phak ding nan i zuam bantuk tein nan fale fim cawnnak caah phaisa ui hlah uh.

US ram le bang cu kan theih cio bang a zuammi le a thiammi caah cun ruahchannak a tambik nak ram a si kan ti khawh. Obama zong midum chungkhar in a rami a si ko nan a zuam, a fel, a thiam i US president tiang a ttuan khawh ve ko. Cu caahcun nan fale kha mifir le misual le mi vakvai men an sinak hnga lo ding caah cun an fimcawnnak caah phaisa ui hlah.

 164 total views,  1 views today

This function has been disabled for Chin 11 News.