US Laipa Sinih Hmasa Bik Nih Minak Ruang i Laimi nih Thil A Tonmi A Phuan Dih!

Indianapolis minung 20,000 renglo Chinmi i kan Attorney hmasa cem asimi Saya Harmon nih a tialmi hi Tulio buainak kongah cun tawite tung a fiang bik ko lai dah ka ti.

Harmon Lian- MINAK PAWL RUANG AH…

-Laimi nih mirang sang ah inn kan cawk khawh (Shelley v. Kraemer, 1948);

-Laimi nih mirang sianginn ah ca kan cawng khawh (Brown v. Board of Education, 1954);

-Laimi nih mirang kan tthit/kan vat khawh (Loving v. Virginia, 1967).

A dang dang “rights” tampi zong, Minak pawl nih an rak “protest” ruang ah upadi thar—rian ttuan nak ah miphun thleidan a ngah lo tbk—tam pi an rak ser.

Asinain, mah an rak “protest” lio ah hin “a buaibai men men mi an si” ti in mitampi nih an rak mawhchiat hna.

Atutan, “police brutality” duh lo nak caah an “protest” mi ah hin tah Laimi nih kan mawhchiat ve hna lai maw??

An pi le an pu nih thisen thlet in an rak cawh mi lam cung ah a kal lio mi kan nih nih kan mawhchiat ngam hna lai maw??

Si, a “protest” mi lak ah hin mifiar le mi ttha lo zong an i tel ve ko men lai.

Asinain, Minak pa nih thil ttha lo a tuah tik ah, “Mi ttha lo a si nak cu Minak a si ruang ah si lo in, thil ttha lo a tuah ruang tu ah a si” ti tu in kan fale kan cawnpiak hna ah a ttha deuh lo maw??

Abikin, US um mi Laimi nih Minak pawl kan hmuh ning dan hna, kan zoh ning dan hna hi thlen caan a cu cang lo maw??

 352 total views,  1 views today

This function has been disabled for Chin 11 News.