US Laimi Tax Return Kongah Ralrin awk Le Hngal Hrim Hrim Dingmi!

TAX Return kongah ka siaherh ngaimi TAX Return tuah tikah i ralring ngai a hau tawn i, cheukhat tax retuan tuahtu hna cu Cerfiticate a ngeih lomi zong an um. Cucaah tax return tuah tikah nan hmuhmi phaisa nan sin a phak dih hlan tiang tavuan an in lak kho dingmi hna sinah tuah cio ulaw a tha. Phone chawnbiak siseh, Cakuat relter siseh, tax return he aa pehtlaihmi paoh tavuan la khotu sinah panh cio ulaw a tha.

A tha bikmi cu TAX return tuah tikah zungzal a tuah hnga dingmi minung sinah tuah a tha. Midang pakhat sinah i thial lengmang loin na tuah tawnnak hmun ah tuah hi a him bik. Tax Return tuah caan lawngah tax file a tuahmi hna sinah tuah lo hi a tha. Pakhat khat IRS lei or State Tax leiin harnak na ton tikah tavuan an la khotu dingah tuah hi a tha bik.

Cun, TAX Return tuah caan ahhin misual pawl (Scammer) nih heh tiah mi an hlen hna i an hrocer tawn hna. Mi hrokhrol pawl nih IRS lei minung bantukin phone chawn hi a um lengmang. Nikum ah kanmah laimi zong phone an chawn hna i, harnak fakpi an ton kha nan theih cio cang lai. Cucaah IRS leiin zeitik hmanhah an in hal lo dingmi ka vun langhter.

A tanglei hna hi IRS nih an tuah bal lo ding le an tuah lo ding a si lai.

1. Phone chawnh in tangka hal. IRS nih mailbox ah cakuat loin zei tik hmanh ah email le phone in tangka an hal bal lo.

2. Tangka hal in nan pek lo ahcun taza kan in cuai hna lai ti bantuk IRS nih an tuah bal lo.

3. Tangka hal si lole IRS nih pek dingin bank card ti bantuk zei tik hmanh ah IRS nih an tuah bal lo.

4. Credit Card le Bank Card hal phung a si lo

5. Tangka nan pek lo ahcun Police kan in chawnhpiak hna lai ti bantukin IRS nih mi an tlerh bal hna lo.

6.Tazacuainak tuah dingin mi an hro bal hna lo.

A hnulei IRS minung cu zeibantuk in dah thil an tuah timi kan rak langhter than te lai.

 228 total views,  1 views today

This function has been disabled for Chin 11 News.