US Laimi Tam Tuk Lawmmam Nih Trump Nan Uar Mi Zong Nan Mawh Ruam Lo!!

President Trump nih US politics a kalpimi le a kalpidan (Trumpism tiah an ti cangmi) hi fawite in tlau te dawh a lo lo.

US ah amah a uar ve mi an tam tuk ning hi khuaruahhar lei a si ko. 2024 tikah President aa cuh tthan kho men tiah an ruah pah len cang i, a va si te tak sual ahcun Trumpism cu tthawn chin lengmang te dawh a si. US hi a rum bik le a tthawng bik a si caah a si ko,

US politics kalning hi a uar lo mi, cawn a duh lo mi, an ram caah si ter a duh lomi nitlaklei ram pawl ah an tam ngai tiah chim khawh pah a si. Cucu Trump nih a zualter chin rua ka ti. Amah pumpak uar le uar lo cu pumpak duhthimnak a si. US Laimi tam tuk lawmmam nih nan uar mi zong nan mawh ruam lo. Mirang a uarmi hrimhrim pei an rak tam tuk cu. Commenttu: Nathan Pa LD Hmung

Salai Lairamthang nih a tialmi si: A cungcaa khi Nathan pa nih comment a tuahmi si! President Donald Trump Hmuhmi Vote: Kum 2016: 62,984,838 [ 62 Millions votes ] Kum 2020: 73,896,211 [ 73 Million Votes ] 2020 thimnak ah Vote: 10,911,373 [ 10 Million Votes renglo in a karh deuh caah President Donald Trump hi 2016 nak in mi tam deuh nih an rak duh deuh thiamthiam timi facts hmuh khawh a si.

President Trump nih tuchun ah twitter ah a tialmi cu” Biden nih thimfung a fir lonak telhte a chuahpi khawh lawngah White House ah ka luhter te lai” tiah a chim.