US Laimi Rammi Sinak Tuahnak Caa i A Herh Taktakmi Hna!

A tanglei caa hi Indychins.org in lakmi asi i, hi website neitu hi Chin Community Of Indiana an si. Zumhtlak taktakmi le rian ttha taktak miphun caah a tuanmi an si.

American rammi sinak hi mi zei poh nih hmuh sawk awk a tha lomi a si. Mi tampi nih hmuh an duh nain an hmuh khawh lomi zong a si. America ram ah permanent resident (Green Card) i tlaih in umnak kum (5) a tling cangmi hna nih American Naturalization Citizenship cu sawk khawh cio a si. Nang teh na sawk cang maw?

Citizenship sawknak caah form phit a herh i, cu form cu Chin Center ah siseh BACI nih siseh a dang dang mirang ca a rel khomi hna nih siseh phih piak khawh a si. Mah cu form phit khawh in kut namnak nih a zulh i cun biahal caminpuai tuahnak a um. Biahalnak caah mirang ca tlawmpal tal cu theih a herh i bia halmi leh khawh cu a herh. Asi nain catang sang na ngei hrim lai tinak a si lo. Ca thiam tuk mi lawng sawkding tibantuk zong in ruah ding a si lo. US ah greencard he kum 5 um cangmi mi zei poh nih an sawk khawh mi a si.

US ram chung ah Chin ralzam hna zong 2000 kum thawk in rak phanh a si i, kum 5 renglo a um cangmi tam ngai a si cang. Asi nain, citizenship a sawkmi mi tlawm ngai lawng si rih mi theih khawh a si. Citizenship cu sawk cio awk asi. American citizenship sawk ruang ah kan kaltak mi Chin ram kan dawt lo a si hlei lo. Kan dawt khawh thiam thiam ko. Cu pin ah citizenship ngeih le ngeih lo kong ah ai thleidannak tete zong tampi a um.

Citizen sawknak caah phaisa cu a herh. Minung pakhat caah $640 hi US cozah nih lakmi a si. Cun $85 hi kutnamnak man (bio-metrics fee) a si. Phaisa $725 dih ding cu a um. Si hmanh seh law, dih ding caah a hlawk mi thil a si ko. US cozah sin ah na pekmi a si i, midang na pekmi a si lem lo.

US ram ah kum 5 um cangmi ralzam hna nih Citizen sawk tik ah a herh dingmi thil hna kong siseh, mirang ca kong ah i tinh tuahnak hna siseh, Chin Center ah cawn piaknak le mirang ca chimhnak hna cu tuah lengmang a si. Mi zei poh rak kai khawh zong a si.

American Citizenship Sawknak caah zei hna dah a herh?

Citizenship sawknak caah hmanthlak (photo) i thlak a herh maw?
Bialehnak: A herh lo. US ram ah a um ciami hna nih citizen sawknak caah hmanthlak i thlak a herh lo.

Phaisa zeizat dah a herh? Cash in pek awk tha maw?
Bialehnak: Phaisa cu Check in $640 pakhat $85 pakhat ti in check pahnih tein a herh.

Ctizenship sawknak form cu khawi ka dah ka lak lai?
Bialehnak: Citizen sawknak ding form cu Chin Center si lo le na sawknak ding hmun ah an ngei ko lai. USCIS website simi https://www.uscis.gov/n-400 mah ka ah hin lak khawh asi.

Keimah tein Citizenship ka sawk kho maw? Mirang ca le holh ka thiam ko.

Bialehnak: Mirang ca tha tein na rel khawh i form i bia halnak hna tha tein nai leh khawh dih i na phit khawh ko a si ah cun nangmah tein tuah khawh a si. ( Si hmanh seh law, a theimi pakhat khat nih a nin bawmh ah a tha deuh hnga lo maw?)

Citizen sawknak ding caah a dang zei hna dah kai ken lai?
Bialehnak: A tang lei thil hna hi Citizen sawknak caah a herhmi hna an si

– Green Card

– Sawknak caah fee check ($640 le $85)

– Nupi le va i thenmi le US ram ah ai ummi nan si ah cun Marriage certificate or Divorce tuahnak Court catlap hna

– Thong na tlak bal si ah cun thong na tlak balnak case catlap hna

– A luan ciami kum (5) chung US ram ah na rak um balnak address hna dihlak tlamtling in

– A luan ciami kum (5) chung US ram ah rian na rak tuan balnak company hna dihlak

Ka fa le hi Malaysia in ka rak i hruai hna, kum tling rih lo an si. An mah caah Citizen sawk a herh maw?
Bialehnak: a herh hen ta

Credit: Indychins.org

 712 total views,  1 views today

This function has been disabled for Chin 11 News.