US Laimi Nan i Ralrin Taktak a herh cang!

US Laimi hi kong ahhin i ralrin taktak a herh! India ramah Lockdown a dih thluahmah i rianttuan hram aa awtmi tampi an um cang. Zeiruang ah dah India rianttuanmi cu kan i ralrin a herh nan ti theo lai. Nan ti awk zong a si ve ko. A tanglei ahhin rak rel ve.

Kum 2008 hrawng khan India ah hin mihlen rian a lar ngaingai. US lei an chonh hna i, tangka tampi an hlen tawn hna. Atu tiang in cucu an tuah peng rih ko i, i ralrin taktak a herh. Hihi Grants Scam tiah an auh.

An rianttuan ning cu hitihin a si. US leiah number in an chonh hna i, US cozah in bawmhnak Dollar $7000 (a zat an chimning aa lo cio lo) na hmu lai tiah an ti tawn hna. Mah phone number ahhin kan pu le rak chawn law a lak ning an in chim lai tiah an ti tawn. An va call i, hi tangka na hlamnak ding ah hin dawr ah kal law Itunes Card va caw law a number kha ra kan chimh law tangka cu kan rak in kuat lai an ti tawn. Asinain hihi lih lawng te a si. Cozah nih tangka bawmh an in duh ah cun, cattial (Letter) te he, na inn hrimhrim ah an in kuat lai. Hi kong ahhin, US Laimi nan i ralrin hrim hrim a herh. Siaherhnak he.

 203 total views,  1 views today

This function has been disabled for Chin 11 News.