US Laimi Caah Thawngtha. A Tha Kho Tuk E!

Chin Community Garden-2 project

Dallas/Garland um pawl dum tuahnak hmun sok khawh asi

Chin miphun tamnak Garland khua ah For the Nations Refugee Outreach (FNRO) nih dum tuahnak ding hmunhma cu Salai Za Thawng Lian nih tawlrel dingin dum tuah huammi Chin miphun pawl caah a kau taktakmi vawlei alakin (free) in an kan hlanh. FNRO i an hruaitu Pi Kaitlyn Mullen cungah lunglawmhnak nganpi ka ngei. Cun mah tiiin a tlamtlin khawh nakhnga ruahnak a chuah hmasatu le an pi nu a kan chimh piaktu Pi Hniang Zing cung zongah ka lawm taktak.

A hmun cu Garland le Dallas ramri ah a si, New port apartment in minute 5 hrawng lawng mawtawka mawngh in a hlat. Dum tuahnak ding address cu : 414 S Purdue Dr, Garland, TX 75042 ah asi.

Hi dum hi kum saupi tiang tuah khawh asi lai. Ti tha tein aum, ti man pek a hau lai lo. Free a si. Timerh (titoihnak ti) zong thatein kan in chiah piak ding in kan tawlrel lai. Cun dum tuahnak vawlei a kauh zong tuah phu tein free in hlanh asi lai. Inndong 50 caah dum tuahnak vawlei le ti a um lai. Garland apartment ummi hna hi ahleice in usapek nan si lai, cun Dallas lei apartment um nuhmei/pahmei le innchungkhar milu a tam deuhmi pawl zong usapek nan si lai. Apartment i a ummi pawl lawng nih hi dum tuahnak hi sok khawh asi lai.

Tukum nan tuah thawk lo zongah hmaikum thawkin tuah ding nansi ko ahcun hmunhma sok cia khawh asi lai. Hi dum tuahnak caah vawlei le hmunhma sok cia a duhmi hna nih a tanglei volunteer hna sinah min cazin pek khawh asi.
Pu Salai Shwe Cung Lian, phone: 469-512-7302

Pi Hniang Zing, phone :214-937-1919

Pu Thawng Lang , phone: 214-749-8014

Pa Zam Uk , phone: 214-981-4461

Pi Fom Thluai , phone: 469-531-6901

Dum tuahnak hmunhma pekding tiin ruah piak na si ahcun phone kan in chonh than te lai, dum pekmi hmunhma zoh dingin a ni le caan zong thawng kan in thanh than te hna lai.

Upatnak he,
Salai Z T Lian

 211 total views,  1 views today

This function has been disabled for Chin 11 News.