US Laimi Caah Ralrinnak : Coronavirus Lawng Tihnung Mi Asi Lo!

Note: Video zong a tanglei ah a um lai.

US ah Chin pastor pakhat cu misual mi ttha lo hna nih US dollar 3000 bak an hlen tiah theih a si. Hi thil hi a dik taktak mi a si caah US ah a um mi Chin miphun dihlak zong kan i ralrin cio taktak a herh. Hi kong hi a mah Pastor Lal Cawi Sang zong nih fian tein a chim tthan mi a si i “Ka dawt mi Laimi dihlak nih keimah bantuk in hlen nan ton ve lonak ding ah hi bia hi ka rak chim mi a si” tiah a chim.

Hi thil hi tukum January thla ah a cang mi a si i an mah Mirang misual le mi hlenhmang hna nih an hlen hi asi. “Hi bantuk thil ka ton zaan cu ka lungrawk, ka ngaihchia i ka zaangmang zong a chia ngai ngai” tiah a lungfah nak kong pawl a chim hi asi.

Pastor Lal Cawi Sang hi mihlen hmang hna nih phone in an rak chonh i a phunphun in an tuaitam, hnu ah an hlen hi a si i Cozah minung kan si caah kan i chimh ning tein na tuah ahcun nan chungkhar nan him lai tiah an rak hlen hi asi. “Kan ngaihchun te phaisa cu Bank ah kan chuah i an kan chimh bantuk te cun ka tuah, police zong na inn ah an rak ra lai i social security thar an i pek te lai” tiah a phunphun in an rak hlen hi asi.Pastor Lal Cawi Sang nih a chim mi cu video he kan chiah chih caah lungsau tein ngaih rak i zuam cio hram uh.

Cun USA ah a um mi Laimi dang hna nih misual kut in kan him khawhnak ding ah le hi bantuk hin hlen kan ton cio lonak ding ah kan i ralrin cio hrimhrim a herh cang. A tang ah Video kan timi te hi rak click te law fiang tein an ngaih khawh ko lai. Hi thawngpang hi USA a um mi Chin miphun caah a biapi tuk mi a si caah na hawi le zong share rak tuah cio hna.

Credit: Laikokek Journal

Video tanglei ah a um lai.

Credit: Chin Net

 272 total views,  3 views today

This function has been disabled for Chin 11 News.