US Hrambunh Mipi Caah A Voihnihnak Bawmhnak Thawngpang Fiangter Nak

Coronavirus ruangah harnak a tongmi hna caah avoi 2nak bawmhnak pek dingin house nih an an pass cangmi Heroes Act bill cu Senate ah ceih ding a si nain sandah piah ruangah an ceih kho lo. Senate Majority leader Mith McConnell nih a chimnak ahcun avoi 2nak chek kan pek dingmi hi a donghnak zong a si lai i, CARES Act. i kan pekmi check nak in a tlawm deuh lai tiah a chim.

CARES Act cu Republican hruainak in an tuahmi bamwhnak, $2.2 trillion stimulus package kha a si i, minung pakhat nih $1,200 le nuva nih $2400 le fale kum 17 tang poah nih $500 cio pek cangmi kha a si. Atu a thar in House in Senate ah an chuahpi mi cu Heroes Act an timi a si i, $3 trillion stimulus bill timi a si. Minung pakhat nih $1,200 a ngah a si lai i, dependent minung pkaht nih $1,200 cio an ngah khawh lai [ fale pathum tiang] ti a si. Asinain mah bill cu tu thla chungah ceih khawh dawh an si ti lo.

A voi 2nak check pek than a duhmi senator cheukhat nih a chimmi cu:

1.Million 40 renglo nih unemployment benefit an sawk cang caah pek kan herh rih.

2. Covid-19 nih sipuazi le minung ngamdamnak tam tuk a hrawh ruangah pek a herh.

3.  Avoi khatnak check pekmi lawng nih a zat hrimhrim hna lo.

A voi 2nak bawmhnak Heroes Act pek a duh lomi senator cheukhat hna nih an chim ve mi cu:

1. Avoi 1nak check phawt hnu in US sipuazi zeimawzet a bawmh cang.

2. Avoi 2nak bawmhnak pek dingmi phaisa tam tuk a dih dingmi a si.

3. A voi 2nak bawmhnak an chuahpi mi bill ah harnak atong taktak mi nak in harnak he a pehtlai lomi bawmhnak a tam deuh.

4. US sipuazi thawhter thannak dingah check pek in bawmhnak nih a bawm kho taktak lai lo.

Senate Republican party nih bill thar chuahpi an timh ve i mah ahcun democrats le white house minung an i tel lai. Senate Majority Leader Mitch McConnell nih a chimnak ahcun democrats nih pawl nih Republican pawl nih a thar in chuahpi an timhmi an cohlan ah cun rianrang tein bawmhnak kan pek kawh lai tiah a chim.

Catialtu: Salai Lairamthang

 208 total views,  1 views today

This function has been disabled for Chin 11 News.