US Election Kong Felfai Taktak In Theih Duhmi Caah!

US Thimnak Kongah Ahcun Mahnak Fiang Hi A Har Bak Lai! Zei Ca Tiah Atu Bantuk Ca Thluan Tling Tein A Kan Tial Piak Tu Hi, Hakha Caa in hmuh ding a um lo tluk si!  Tutan zong Falam ca in an tialmi a tha tuk caah kan van in hrawmh than hna! Lungsau tein rakrel law! US Thimnak kongah na fiang bak cang lai!

Tulai Chin/Mizo thuthang tampi ah Trump in neh vek le Biden dinhmun ṭhalo sawn vek thuthang a tam zet. Hipawl hi a siartupawl duhdan deuhih ngan an si. A ngai ngai cun Trump dinhmun in ṭhat lam a pan thei ngaingai thei hrih lo sawn a si.

Trump in Article II, Section 2: Clause 1 vekin Marshall Law phuang mai ding vekih rel khal hi belhcian dawl lem lo a si. A san cu hinah Marshall Law hmang ding ti lam hnakin President cu ralthuam keng zate hotu Commander-in-chief a si thu ngan men a si. Trump ih National Security Adviser hlun Lt. Gen. Michael Flynn, Dimond &Silk le mihrekin Marshall Law hmang dingin ti khal sehla a takah thil ṭihnung zet a si ruangah White House Chief of Staffs Meadow cun, “Cuvek khal an ruah lo thu” a rel leuhleuh.

An beisei sawn mi cu January 6 ih Congress le Senate in Electoral Voter an khawn tikah State 6 ihsin Biden petu le Trump petu umnak kha Trump ta an khawn sawn beisei a si. Cumi ding cun tu le Jan 6 karlakah voter fraud tampi hmuh a ṭul.

January 6 Joint Sessions ah House ah le Senate ah Biden in a neh ti pawm loih cotu(challege-tu) pakhat veve tal an um a ṭul. House ah cun Mo Brooks in a challeng ding a phuang zo. Asinan House ah cun Dem lam an tamsawn ruangah a sung cia. Senate ah khan Alabama Senator Tumbervile in a challege men thei ti a rel lang. Senate ah GOP 50-48 Dem an si ih January 5 Georgia Senate seat 2 hrilawknak hi a thupi zet. Republican lamin an neh cun 52-48 an si dingih Election result an block thei. Asinan Dem lamin an neh cun Biden ih President sinak lamzin cu kham a har zet thlang ding. Cuhleiah Senate ah Trump dodaltu Romney(Pastor Sangte tei Senator 😛) vek an rak um lala fawn!

Thil pakhat um lai cu Georgia ah Vote Audit an nei ding. Hi hi a liam cia thla khat laiih nei zo ding an si nan. Vote million 6 hrawngah vote diklo 15000 te an hmuh cun Trump in Geogia ah nehnak a co dingih State dang khalah lamzin a awngaw vivo ding. An hmuh lo pang cun beisei ding a um nawn lo vek a si.

Trump in Voter Fraud zingzawitu ding Special Counsel hrang Sidny Powell ruat a tum ti thu a thang. Anih hi ralkap thuneihnak la dingih nawrtu pakhat a si.

Trump ih Trade Director Peter Navarro cu cahmai 36 report a tuah ih Election ah Fraud le thil dik lo tampi a um a ti. Media tumpawlin an ngan duh lo. Trump cun result ti linglet dingih ṭul hnakih tam finfiahnak a um a ti. Ziangha an bang vivo ding timi thlacamnak thawn thlir hrih phawt lo cu ti thei kan nei lo a si hi! Catialtu: Zuala