US Delta Force Le Biden Caah Vote Firtu US CIA An I Kap, A Linsa Chin Lengmang Ee!

Tutan US election kongah thawngpang thar a vun chuak chin lengmang! Tutan zong cozoh riantuantu ralkap bak nih a chim mi a si caah, ka hman ko lai tiah ka ruah.

Germany ah US delta force le US central Intelligence (An mah le an mah) hna karlak ah meithal i kahnak a chuak i, hi an i kahnak ah hin minung 5 an thi. Germany ah US server hmunpi Frankfurt cu US election vote firnak caah an hmang caah Delta force nih an va luh hna hna caah i kahnak hi a chuak!

Mah kong hi, News dangdang nih an tial ve maw tiah ka zoh len i, zahan ah khan news agency ah zumhtlak pakhat zongnih a van langhter cang. Homeland security ah an hruaitu bik nih a zohkhehmi news network zong nih a vun langhter caah mah thawngpang hi, zumhtlak a si tiah tiah ka zumh caah ka rak langhter ve mi a si.

CIA hna hi US ram caah a herh taktakmi an si. Ramdang in US doh aa timmi pawl le US ram chungah thil thalo tuah aa timmi pawl caah biatak tein rian a tuanmi an si. Tutan US thimnak zongah thil an tuah ning nih mipi a lauter tuk hna.

Mah CIA hna hi Afghan an umnak hmun in Germany lei ah a thli tein US president election hlan ah a kalmi an si. Germany ah US sever hmunpi Frankfurt ah hin khua an saa. Mah thawngpang hi Lieutenant General Thomas Mcinerney le Lieutenant General Michael Flyyn nih interview an tuahnak ah mah thawngpang hi an chim.

An chim ningah cun US CIA hna hi Afghanistan in Germany ah a thil in an va kal! Frankfurt ah US seerver hi CIA tangah a ummi le operate mi a si. President Trump nih mah bantuk in vote firnak le hlennak hi a um lai tiah a rak chim cang tiah an chim chap.

A sinain tutan US Delta force Germany ah a kuatu hna hi Trump a si ti cu an chim lo. Cun US Delta Force hna hi Frankfurt an va phan tikah CIA pawl he an i kap tiah an chim. Thil mak taktak mi cu CIA hi cu investigation le Cyber expert pawl umnak a si i, ralkap bantuk in i doh ding le i kah dingin training pekmi an si lo.

Paramilitary force bantuk lawng an si. A sinain mah i kah nak ah a thimi panga an um i, pali hi US Delta force an si i, pakhat hi CIA a si. Hi thil a cangmi cu khuaruahhar taktka pakhat a si. Germany a ummi US CIA nih US Delta Force hna hi Germany ah an ra lai ti an rak theih cang caah timhcia tein i kah dingin an rak um ti an zumh.

US Delta foce le CIA pawl an i kah hnu ah Germany i US server umnak Frankfurt US Delta force kut tangah an chiah khawh cang! Ramdang lei in Cyber le internet hmangin US ram caah thilthalo tuah a timmi an um maw tiah zoh khehtu US CIA nih mah bantuk an rak ralkap US Delta Force an kah mi hna hi thilmak taktak pakhat a si.

Hi bantuk in thil a cang caah hmoeland security ah an hruaitu bik nih a zohkhenhmi news network nih langter ning ahcun Lieutenant general nih hin President caah a him lo ti a theih cang caah President cu khua zeihmanh kal lo dingin a ti. Mah thawnpang ruangah fiang deuh tein dothlat hlan poh cu White house ah president trump cu um rih dingin an ti.

Hi bantuk in thil cang caah President zoh khehtu federal agent ting zumh ngam an si ti lai lo ti a si caah, Lieutenant General Michael Flynn hi President Donald Trump vengtu dingah a mah pumpak a pe. Private intelligence operation kalpi a si i, a mah hi hotu a si. News side tampi nih US cu Venezuala bantuk lam a zullio ti a si cang.