US Covid-19 Bawmhnak Thawngpang Fiang!

Nizaan Monday (US TIME) khan US i Covid-19 bawmhnak umtuning ding muisam cu Senate Majority hruaitu Mitch MC Connell nih a langhter. US Covid-19 ruang i harsa bawmhnak ah $ 1 Trillion hman ning ding Republican nih an Chuahpi. Democrats le Republican hna nih hin lungtlinnak an ngeih bantuk in lungtlin lonak tete zong an ngei. Asinain Stimulus Checks pek than ding timi kong belte ahcun an ruahnak aa khat. A ruahnak aa khah lonak bik hi Covid-19 ruang i rianttuan kho lomi pawl nih zarh chiar (weekly) te an hmuhmi unemployment checks $ 600 kong ah hin a si bik.

Zarh chiar te $ 600 pek tawnmi kha $ 200 ah thumh dingin an chuahpi. Republican lei nih hi tangka nih hin riantuan zuamnak lo a ser tiah an ruah.Senate Rupublican nih hin a ralaimi zarh hin bill hi minthut dingin timhtuahnak an ngei i August thla tal cun pek khawh cang dingin an buaipi cuahmah. Republican nih an langhter ning ah tutan a voi 2 nak Stimulus checks hi a voikhatnak bantuk khan aa khat ngawt ko lai ti a si.

Bawmhnak check pek ning zong CARES ACT phung ning te khan a si than lai. A hmasa deuh i a hmu cangmi cu hmuh tthan dingin zumhnak a um ko. Pek ding ah a qualify mi cu a hlan bantuk khan pumpak cio $ 1200 , nuva $ 2400 pek an si lai i hngakchia $ 500 pek dingin ti a si. Hi bill hi President Trump nih minthutnak a tuah hnu ah pek chuah tak tak a si te lai.

Tutan Senate Repubican nih an chuahpimi Bill hi US dollar 1 Trillion bak a si i a hmannak ding zong an langhter. Hi vialte tangka nih hin Covid-19 harnak phisin le sersiam dih an itim. Hi lak ah $ 105 billion bak hi sianginn le cawnnak lei ah hman a si lai i a voi hninhnak pumpak le chungkhar rak pekmi check zong kha aa tel lai. $ 16 billion hi Covid-19 testnak le thilri ah hman a si lai. $ 190 billon cu business hmete pawl loan peknak ding pawl ah an si lai.

Source: CNN

 256 total views,  1 views today

This function has been disabled for Chin 11 News.