US Chin Mi Hna Nih Mi Thalo, Damiah Le Mifir Hna Ralrinnak

Dawtmi ndianapolis khua ah a ummi Chin miphun hna, Khuasik cu adih cang i, nikhua a tha mi Spring kan phan than cang. Kan khua, sang le zawl ah nuam le him tein khuasak khawh ding caah kan za tein tuanvo kan nei dih. Na inn pa chakthlang le na sang a him ding caah pakhat cio nih tuanvo nan nei. Na khua le na sang a him ah cun nangmah le na chungkhar zong a him ve lai tinak khi a si. Ni kum bantukĀ in mi thalo, damiah, pialsual mino hna le mifir an cawlcangh than lo ding caah atu te in kan i timh cia a herh. Ni kum lawngte ah khan, fir, bauh le damiah case cu kan miphun cung ah vui 8 bak a rak um manh. Si nain, IMPD le Southport police hna tei an maknak thawng in ai relrem deuh ngai.

Atang lei hna hi kan zulh cio ding a herh.

– Mi thalo nih damiah an ttiah ah cun, dai tein um hlah 911 ah report cawlh. Si lo le community upa rak kan chim, report kan in bawmh lai.

– Mifir le mi tha lo nih nan thil, nan mawtaw an fir an hrawh an bauh tbtk zong dai tein um hlah, report tuah cawlh ko.

– Inn ah Cash phaisa i chiah bak hlah.

– Na chungkhar, na unau le Khrihfabu ah mithalo an um ah cun, CCI upa hna sin ah theihter. Meithal tbtk nu le pa theih lo in an neih ah cun police report ding si lo le CCI upa hna theihter ding asi lai.

– Na fa/nau kum tling rih lomi highschool a kai liomi hna nu le pa, u le tel lo in Mawtaw tawh pek lo ding, leng ah an mah lawng chuahter lo ding. Social media ah zei btk minung he dah an i komh i an tlawn len tbtk theihpi ding.

– Zan suimilam 9:00pm hnu ah Garage khar peng ding le si khawh cun Gas station tbtk kal ti lo ding. Khua dei hlan deuh le zantim tlai hnu ah rian a ttinmi si ah cun, mawtaw chuah hlan ah pawngkam tha tein check hmasa ding.

Mi thalo hna caah hmunhma umter lo ding le, lam ding ah an phanh khawhnak caah police kut ah kan aap khawh ding hi abiapi tukmi thil asi. Daidep in an theih komi le na hmuh komi na chim lo theihter lo in na um ah cun mi thalo tha ape mi nan si lai.

Chin Community Action Committee

Chin Community of Indiana (CCI)

 174 total views,  1 views today

This function has been disabled for Chin 11 News.