US Buainak Cu A Tituk Cak! A Linsa Tuk Cang!

Buainak a Linsa ngaingai cang a tanglei langhter mi hi rak bih ve tuah. Rampi pakhat thimmi aa palh asi ahcun Vawlei cung a buai dih kho timi cu fiang tein hngalh khawh asi ko.

A ralai mi November ni 3 ah US president thimnak a um dingmi caah Democrat party a tanhtu hna cu naite khan biatak tein an cawlcang i, September ni 17 thok in thimnak November ni 3 tiang khi White House kulh dih an timhnak kong an rak phuan cang.

Democrats nawlngeihnak state Kentucky khuapi Louisville zongah naite ah khan police hna nih minak pakhat an thah ruangah minak hna dirkamhtu bu Black Lives Matter tanhtu minung tampi hna cu an i pumkhawm hna i, a cheukhat le bang nihcun ralkap thuam i hruk in meithal tiangin an i ken hna i, cu hna pawl daihter dingin le khap ding ruah mi Police hna le nawlngei tu hna cu an mui hmuh ding pakhat hmanh an um lo ti asi.

Nizan khan US i thithruainak inn pi White House ah Israel le UAE hna an i remnak le an i pehtlaihnak lawmh nak caan an hmang hna i, mah lio ahcun Israel le Bahrain cozah nih remdaihnak an neih mi lawmhnak zong an tuah colh ve. US president Donald Trump cu ram pathum hna nih remdaihnak an neih khawhnak dingah a hrampi bik ah ruah asi. Mah lio ah hin Palestinian nih cun remdaihnak an tuah mi hi an thin a rak hung tuk ve i, Gaza Strip in Israel lei hoih in rocket an rak kah.

 112 total views,  1 views today

This function has been disabled for Chin 11 News.