US Buainak Aa Thawkning Te Hi Iching Chiah Cio Te Ulaw, “Lih” In Aa Thawk: By Zasang Cinzah

Floyd nih Phaisa due 20 in kuak a cawk. Palek an auh piak. An tlaih. Palek Motor ah an luhter hnik i a duh lo. A col. A tlu. An nam chih. Derek nih a khuk in a hgawng ah a rial. A pumrua a tha pah i, a thi dingin cun an ruat lai ka zum lo. Nain midam lo cia a rak si tikah an namnak in a thaw a bit i a thi beh.

Floyd caah justice an au. A dik. Palek nih a namtu pa/ Derek an tlai zawk lo. A ruang kan hlat ta lai an ti. Mipi an thin a lin chin. Zarh khat liam deng ah an tlaih. Mipi thinhung a reh kho ti lo.

BLM pawl an chuak. Liberal pawl nih thazaang an pek hna. Minak sual pawl an chuak. Inn an bauh. Dawr an bauh. Dawr thil an fir. An tlikpi cio. An firmi lila an i chuh hna.

Sandah piahtu pawl hi hruaitu ngaingai an um maw? A cheu ahcun Organizer tu an um ko. Asinain, Zeidah hlawhtlingj an itimh timi zong hngalh a si lo. A fiang lo. A rak chuakmi zong nih a organizer/tu bia an ngai hlei lo. An chuak lulh cio. An au lulh cio. Suimilam ri khiah zong an ngei lo.

Business tampi an hrawh. Minung tampi rian loin an chiah hna. Curfew ruang ah Minung tampi harnak an tong. Palek motor, dawr motor tampi an hrawh. Inn tampi an khangh. Minung tampi hliam an tuar. Nunnak tiang a liam cang. An tuahmi thil nih zei hlawknak dah a chuah pi lai? Theih a si lo.

“Lih” in aa thawkmi thil cu rawhralnak nih a zulh a zulh hnu ah, sunghnak in a dih tawn. Tutan zong hi Lih in aa thawk caah, zeitindah a dih te lai?

 199 total views,  1 views today

This function has been disabled for Chin 11 News.