US Ah Rian Ngeilo 26 Million Hrawng An Si Cang Tiah An Zumh

USA cu vawlei cung ah ram tha bik a si tiah nihin ni tiang ah minung tampi thinlung ah a um mi a si. Asinain pulrai tha lo ngai nih faktuk in a den ve mi hna ruang ah nihin ni ah riantuan awk a ngei ti lo mi hna minung an tam tuk ngamsam cang hna. Hi bantuk in pulrai hi caan sau deuh chung pehzulh in a um rih ko a si ah cun hmailei US mipi caah cun tih nung ngai mi dirhmun an phan kho mi zong a si.

April zarh hnihnak ah USA i rian ngeilomi cazin thar minung 4.4 million an phan. March a dih ah khan million 22 an rak si cang i atu cu rian loin million 26 an um cang tinak a si.

Harvard le Stanford university nih Corona-bawmhnak cu kan la lai lo tiah Trump an leh. A sok hrimhrim zong kan rak sokmi a si lo, an ti. Nain hi Corona-bawmhnak ahhin Institution rum le tthawng a simi Harvard bantuk pawl zong bawmh ding ah a rak itelmi cu a si ko. Cu pinah Corona-bawmhnak a lut dingmi ah siangngakchia hi an rak i tel fawn.

Credit: Teirial Catialtu

 152 total views,  1 views today

This function has been disabled for Chin 11 News.