US Ah Minak Pa Pakhat Faktuk In An Thah Mi Ruak An Char Than Hoi

US ram cu buainak pakhat hnu pakhat nih a zulh chih lengmang ko. Hi tluk in minak pawl an buai lio ah le thih ngamh in minak pawl an au lio ah vunrang kut in vunnak pawl an thi than lengmang mi nih hin US rampi cu khuaci mui in a chiah ko cang.

Nizan ah vunnak pa a thi mi an hmuh mi hi a min ah Robert Fuller (kum 24) a si i thingkung pakhat ah a kut le ke hri in an rak tem chih buin a thih hi a si caah mipi an buai khun nak hi a si. A thih nak hmun hi Palmdale City Hall pawng ah a si i mitha le mi tluangtlam ngai asi caah mizei nihdah an thah mi a si i zeitin dah a thih ning a si ti hi mipi nih an buai ngai mi cu a si.

A ruak an hmuh i zanlei suimilam 3: 30 ah a si i “Black Live Matter” a au mi hna sinah ai tel ve mi asi tiah an ruah ruang ah vunrang pawl nih an thah mi a si ko lai tiah vunnak pawl nih cun an ruah caah buainak hi a karh chin lengmang nak hi a si.

Hi kong he pehtlai in  Los Angeles County Sheriff’s Department pawl nih an chim nak ah cun vunrang le vunnak karlak ah buainak a karh chinchin nak hnga ding ah misual pawl nih hramhram in an kan leirawi bia a si ko. Cun hi kong ah hin a rannak in mithat tu kan tleih khawh hrimhrim hna nak lai zong kan i zuam lai tiah an chim ve.

 240 total views,  1 views today

This function has been disabled for Chin 11 News.