US Ah Khuasa Mi Hna Nih An Hmuh Ding Mi Bawmhnak Cu A Tam Ngai Ko Hih

Democratic party nih Coronavirus relief bill $3 trillion an chuahpi mi cu House ah an pass cang. House ah palai meting kaimi 407 chungah Vote 208-199 in an pass. Mah bill hi HEROES Act ti zongah auhmi a si.

Atu an chuahpi mi bill ah hin a chuah pitu democrats minung 14 le Independent pakhat nih duh lo lei ah vote an thlak ve. Republican minung pakhat duh lei ah vote a tlak ve.

Atu an pass mi bill cu Senate ah an chuahpi lai i, Senate nih an pass lawngah a nung dingmi a si. Cu hmanh ah President Trump nih minsen thut a hau rih lai. Senate ah hin Republican party an tam. Democrats nih Republican party chimh chawn hmasa loin an chuahpi mi a si caah fawi teiin Republican nih an cohlang kho lai lo.

Republican party nih stimulus voikhat tuah a si cang i, minung pakhat $1200 cio le ngakchia minung pakhat ah $500 cio pek a si cang. Small business caah PPP timi bawmhnak pek a si cang. Industry company nganpi pi caah billion in a bawmh cang hna. Rian ngei lomi caah thlakhat ah $600 le unemployment benefit pek a si cang caah tutan bawmhnak hi senate nih an cohlan lai ka zum lo. Democrats party nih November thimnak caah mipi lemsoi nak caah an tuahmi a si lai tiah an zumh cio.

Tutan an chuahpi mi an pass khawh ahcun 3 trillion chung ah 1 trillion cu State, city le local government, essential worker le stimulus check caah hman a si lai an ti.

Nupi/va ngei lomi minung pakhat ah $1200 a si rih lai. Inchungkhar khuasa mi fale pathum tiang caah $6000 pek a si lai. In ngeimi mortgages le Inn hlangmi inn man caah $ 175 billion hman a si lai. US$ 75 billion cu virus testing tuahnak caah hman a si lai.

Credit: Salai Lairamthang

 202 total views,  1 views today

This function has been disabled for Chin 11 News.