US Ah Covid-19 Mizaw 5 Million Lengkai An Si Cang Hna

Hi tluk in a thi mi le zawtnak a ngei mi an tam lakah hin US mipi hi nawl ngai lo bik ram an si men lai, an cawlcangh ning hmanthlak hi zoh ah cun pulrai zawtnak cu a karh chin lengmang ko lai.

American ram chung ah hin August 9 tiang ah report nih an langhter ning ah khan cun Coronavirus zawtnak a ngei bak mi hna mi 5 million lengkai an si cang hna i cu hlan nak in an karh ning zong a rang deuh tuk cang ti a si.

Cun Covid-19 in a thi mi hna hi 165000 lengkai an si ve cang hna caah vawlei cung ah a pulrai in a thi mi an tambik nak ram ah a hun chuak cang i fakbik in Covid-19 nih fak bik in a den mi hna ram zong an hun si. American a hun changtu ah hin Brazil ram hi a si i August 9 tiang ah khan a thi mi tingkhat an si ve cang hna.

2019, December thla ah Tuluk ram in ai thok mi Coronavirus zawtnak ni nihin tiang ah vawlei cung minung 20 million hrawng zawtnak an ngei cang hna i a thi cang mi hna hi 7 733997 an si cang hna tiah AFP thawngzamh nih an langhter ning a si.

Hi tluk in a thi mi le zawtnak nih a ngei mi an tamtuk lio ah US ram mipi hna cu duhtawk in rilikam ah an i nuam hna i duhduh in an tlonlen mi hna hi an molh ko lo hme maw ti awk an si ko.

Source: Akon Thi (Burmese-Hakha)

 174 total views,  1 views today

This function has been disabled for Chin 11 News.