US Ah Chin Miphun Telhchih In Chungkhar 8 Innkang Mi Kong Le Bawmhnak Kong Thawngpang

GREENTREE INN KANGMI

Zabik Bualteng:

September 18th, 2020, zantim i Greentree Apartment mei a kangmi hi Inn/Unit 12 a si. Cu chungah inn 6 cu a rawk dih caah um awk a tha ti lo i ka dangah thial an hau lai, ti a si. Inn 6 tucu um awk tha dingah an ruah caah luh khawh than a si lai. Cu inn 6 lakah inn 5 hi Chin mi an si i inn 1 hi Kachin an si. An chungkhat le hawikom sinah a ummi an um i hotel ah a ummi an um.

Harsatnak a tong mi hna inn 6 in khrihfabu a ngeimi an si i an khrihfabu cio nih an hnemh hna. Kachin kan unau hna hi Indiana Kachin Baptist Church member an si. A dang hna hi Mizo Christian Church in pakhat, Chin Bethel Christian Church in pakhat, Falam Baptist Church of Indianapolis in pakhat, Chin Evangelical Baptist Church in pakhat, IZCC in pakhat (a fale 3 he an si), le Gospel Baptist Church in pakhat an si hna. An zapi minung 25 an si. Kan khuachung ah minung 25 umnak ngei lo kan mithmaika ah an um ko hi fak pi in khua ruah kan hau ko.

CCI nih anmah tanpinak caah GoFundMe a tuah i cuka ahcun nan ti khawh tawk cio te rak bawm ve hna ding in kan in sawm hna. Perry Schools nih eidin ding le hnipuan zeimaw zat an khomhpiak hna. An thil a kangh ding caah SSCard tiangin a thar in sok dih an hau. Bawmh hau taktak khi an si. Fak pi in thlacampiak zong an hau. Zoh sawhsawh hrimhrim hna hlah usih. Kan lakah hi bantuk thil a tong mi an um i dai te kan i umter sual ahcun kan thluachuah hna a pit ve sual lai. Kan zapi in tang cio hna hna usih. Bawipa nih a tangmi chungkhar dihlak in kilveng hram cio ko hna seh!

https://www.gofundme.com/f/apartment-fire-victims-fund…

Source: US-Chin

 159 total views,  1 views today

This function has been disabled for Chin 11 News.