US Ah A Um Mi Hna Caah Thawngtha Taktak, A Tha Kho Tuk E

US ram ah cun thil biapi mi poh, Congress nih an ceih. Congress ti tik ah House of Representative le Senate tiin Congressmen 535 hna nih “um, ee” tiah bia an khiah hnu ah President nih min a thut i tuah asi. Tu tan ah hin mipi bawmh than ding 3 Trillions cu approve tuah khawh dingin Congress nih an i zuam cuahmah than.

Mah hi 3 trillion bawmhnak cu Minung pakhat $1200 in pek than ding le, hngakchia zong kum 17 – college cu kha bangia um ti lo in. $1200 cio pek ve dih ding in timh asi. Asina belte in hngakchia zei tluk tam ngeih zong ah hngakchia (3) tiang lawng bawmhnak pek asi lai tiah tinh asi. House of Representatives hna nih thaizing an vote lai – pass dawh asi ko.

Nizan ah President Trump interview an tuahmi Live video ah khan – President nih mah hi kong hi a alnak a um lo kha hmuh khawh asi. “Company pawl tazacuai an tawn lo ding ca zong ah protection bill timi telh chih a herh” tiah Trump nih a chim mi zoh ah, $3 Trillion bawmhnak hi a al lo ti khawh asi.

House nih bia a khiah hnu ah Senate nih an zoh than te ding asi. Senate hna hi President duhnak kha zoh chih in bia an khiah tawn kha hmuh khawh ngai asi. Hi tin bawmhnak pek ruang ah hin Trump min a tha chin ding asi ko caah pek ding hi ruahchanhnak tampi a um ti khawh asi.

Vui 2nak bawmhnak a herhnak hi thil 2 a um. 1 Cu chungkhar hna harsat an tong tuk sual lai tiah bawmh asi. 2nak cu nai tan bawmhnak pekmi ah State le Local cozah hna caah bawmhnak a um lo. A vui khatnak bamwhnak kha Business ngan deuh nih an i hui dih. Millionaires hna nih bamwhnak millions in an hmuh. Chungkhar hna $1200 hmuh cu a tlawm hmanh tlawm tuk.

April thla chung ah US ah rian tuan lomi 14% tiang a phan. Minung 20.5 millions bak rian an i din. Mah tik ah hin US economy caah thinphan dai lo asi. Cozah nih phaisa an chuah i mipi an pek tik ah, mipi nih eidin le thil dang dang cawknak caah an hman tik ah sipuazi caah a thatter than khawh ve. Mah caah US cozah nih tu lio bantuk caan ah bawmhnak a chuah hi kaap tampi caah atha.

US leiba a chap lai maw? Chap rilmal. Yes. Nain, bawmhnak hi pe hla seh law, minung tampi le business tampi nih bank-corrupcy an file cio i leiba an cham ti lo, inn hna bank nih a ting dih ah cun, tunak in US leiba hi a let 2 in a tam deuh kho ding asi. Mah caah cun Cozah pi le rampi huap ca zong ab a tha ti kha mipi thimmi Congressmen hna nih an tuak khawh caah asi.

Tu bantuk caan ah hin, US ram ah sianghleirun dihmi pumpak hna, Biaknak le mibu hruaitu hna nih Congressmen hna sin ah tu le tu catial dingmo caan asi – Bawmhnak rak kan pe rih ko u tiah.

Chim rih ko hna u sih – “ralrin chiat a um lo, na kut i ttawl, na ka i hup, lenkai hrial cikcek rih.- Ttih tuk fawn hlah“

By Peter Biak

 218 total views,  1 views today

This function has been disabled for Chin 11 News.