US Ah A Thi Mi An Tamtuk Ngamsam Ko E, Thinphang Chin Lengmang A Si Ko Ttung

US Covid-19 Update: 05/11/2020

*****************************

Tuchun tiangah US ah a thimi, minung 80800 an si. A zawmi 1369,025 an phan. Adam thanmi 256336 White House Task Force hna nih April 14 an tuakning ahcun minung 74073 an thi kho tiah an tuak nain an tuakmi nak in a thimi an tam deuh. University of Washington nih an tuakning ahcun August thla 4 tiangah hin US ah minung 135000 tiang an thi kho tiah an tuak.Tutiang ah zawtnak a chek cangmi mi 8 milion renglo an si cang. Minute 5 lawng a raumi, Virus icheknak swab in nifatin minung a sing in an chek khawh cang hna. Antibody testnak zong an hman cang.

New York khua lawngah a thimi minung 26812 an si. New York khua pakhat lawng i a thimi minung hi US ram pumpi a thimi 35% tluk a si

State 11 ah State At Home” order a nung rih. Mah state hna cu, Massachusetts, Rhode Island, Connecticut, New Jersey, New York, DC, Maryland, Norh Carolina, Illinois, Louisiana le Oregon state ah a si. Mah state pawl hi democrats party pawl an thawnak le an chahnak state pawl an si.

Partial reopening planned timi a ong rih lo nain a cheubang on dingah timhlamhnak a ngei liomi state hna cu, California, Michigan Kentucky, Virginia le Delaware an si. Mah state pawl zong hi democrats pawl an chahnak hmun deuh an si.

On hram a thawk cangmi hi state 35 an si i, A cheu bang an on i, Partial Reopening an ti. Mah state 35 ahcung ah hin a tam deuh cu Republican pawl an thawnnak le an chahnak state tam deuh a si. Republican nih hin sipuazi hi tha an pek deuhmi a lo. Democrats state tam deuh nih hin federal cozah sin in bawmhnak hmuh an duh caah on zau an duh lo. Asinain Republican party cozah an sinak state ahcun amah tein an cawlcang.

FDA nih Remdesivir si cu Covid-19 mizaw thopnak caah Gilead nih zetindah an serchuah timi kong le hmailei ah zetin phawtzamhnak an tawlrel lai timi kong ceihhmainak an ngei. US ahcun zeibantuk si an serchuah mi poah FDA nih an test dih hnu i an cohlan hnu lawngah chuah khawh le zuar khawh a si.

National Institute of Allergy and Infectious Diseases Director, Dr.Fauci nih Gilead Scientist hna nih an sermi remdesivir si a hmangmi hna cu 30% an dam a rang deuh tiah a chim. National Institutes of Health hospital ah coronavirus in a zawmi minung 397 cu phu hnih ah an then hna i, an test hna i, phu khat cu ni 5 chungah an dam i, adang phu khat cu 10 chungah an dam. Cucaah emergency caah cun hman khawh colh a si cang. FDA zong nih hman ding in an cohlan cang bantuk i state kip ah kuat hram an thawk cang.

Credit: Salai Lairamthang

 182 total views,  1 views today

This function has been disabled for Chin 11 News.