US A Buaiter Dih Tu BLM Pawl Cu Minthar An Pek Cang Hna

Princeton Professor Carol Swain Nih BLM Paawl Cu “Maxist” A Ti Hna. Princeton University ah professor a rak tuanmi minak nu, Carol Swain nih minak pawl a ttanhmi phu, Black Lives Matter cawlcangh cu Democrats pawl nih an dirpi mi, Marxist cawlcanghnak a si caah US rampi a kan hrawktu ding an si tiah Fox news interview ah a chim.

Democrats pawl nih minak pawl kha anmah duhmi agenda tlinter nak caah an hman hna an si, mah cawlcanghnak nih kan ram rawhnak a chuahpi khotu ding an si. A ho kan ca hmanh ah thatnak a chuahpi kho dingmi a si lo” Black Livers Matter phu pawl hi civil right organization si lo, politic a tuahmi phu an si” tiah a ti.

Donald Trump Nih Federal Ralkap 175 Chicago Ah Thlah Timh: Democrat pawl nih an ukmi Chicago khua ah meithla kahnak le lamzawhnak a zual caah President Trump nih an khua himnak caah Federal ralkap Agent 175 ka thlah chap lai tiah tuchun ah a chim.

President Trump nih white house i a chimnak ah, “Democrats pawl nih an penmi, New York, Chicago, Philadelphia, Detroit le Baltimore le Oakland khua an hrawh ding cu ka siang hrimhrim lo cucaah law and order a fehnak caah ralkap kan chap a hau hrimhrim” tiah a chim. Mah hna khua pawl ah hin Black Lives Matter pawl lamzawhnak a tam I, palek he i hnursuan a tam caah hliamhma a tuarmi an tam ngai.

Kan hnuzarh weekend ah khan Chicago khua chungah meithal ikahnak voi 70 a chuak I, minung 10 an thi, minung 60 renglo hma an pu. Chicago khuabuai Lori Lightfoot nih cun federal ralkap rat hnawh ding cu a duh lo. Chicago khua hi minak pawl an tamnak khua a si, anmah le anmah meithal in ikhnak a tam biknak khua pakhat a si.

Catialtu: Salai Lairamthang 

 191 total views,  1 views today

This function has been disabled for Chin 11 News.