Update: Mizoram ah Ralzam Zeizat Dah Um Timi A Fiang Taktak Cang!

Ralhrang Nih KCA Minung 18 An Tlaih!
+++++++++++++++++++++++++++
A poi tuk e! Hnangam tein um ulaw, a ngeitu lungput he khua kan sa tti hna lai.

Vice President, Tuipuiral group YMA

07.04.2021

Tuipuiral group YMA hna cu nihin ah Thekte khua a ummi ralzam hna an va tlawng I, ei-din an va pek. Ni hin ni tiang Tuipuiral YMA group area chungah ralzam alutmi 1500 leng an lut cang i, mah chungin 250 leng cu hmundang an panh cang I, mi 150 leng cu mi inn luahin khua an sa cang.


A tu ah Farkawn hi Tuipuiral ah ralzam atam cemnak khua an si I, minung 500 an um. Tuipuiral YMA area chung khua 23 lakah khua 6 ti lo cu ralzam ngei dih an sii, Farkawn ti lo cun Thekte khua hi inndawng tuak ah mi khual an ngah cem an si I, mi 130 hrong an ngei lio tiah theih a si.


Hnangam tein le mah le khua/ram bantukin a ngeitu lungput he khua kan sa tti hna lai tiah Tuipuiral group YMA Vice president Pu C.Lalpektluanga nih ni hin Thekte khua um ralzam hna an va tlawngnak ah a chimh. A tu dirhmun ah Chin ram ramri le Mizoram Lunglei, Champhai, Serchhip, Lawngtlai, Siaha District ramri pawng khua hna lawng si loin Mizoram chung khuapi 11 lakah Aizawl, Champhai, Siaha, Sangau hna cu ralzam um tam nak a si. Ralzam hi ni fatin an in chap lengmang caah fiang tein chimh a har ngai. Mizoram alut cang mi dihlak hi 2000 an si cang lai tiah theih a si.

Crd- Chin Post. (Salaikawltu)