Update: Loklung Khua Inn Kaang Mi Kong Ah Loklung Khuami Chim Mi

Nihin (12/13/20) zanlei sang hnuah Loklung khua inn kaang mi zoh tikah a kangh ning a fak tuk hringhran. Hi bantuk in lungre thei le harsa nak, vanchiat nak le sungh zatlak nak a tong mi hna chungkhar cung ah Lai mi tampi nih kan umnak hmun cio in kan rak tuarpi ve hna.

Inn kanghnak kong he pehtlai in Loklung khua mi nih The Hakha Post ah a chim cu a tanglei bantuk hin a si lai. Hi thawngpang hi The Hakha Post nih an rak tarlangh mi zong a si.

Hakha Peng, Loklung khua suimilaam 4:30PM tluk ah Pu Thawng Hi te inn a kaang tiah thawng kan theih.

Hi kong he pehtlai in Loklung khuami pakhat nih, “Suimilaam 4:30 tluk ah a kangh hi a si. An inn ah hohmanh an um lo. Inn ngeitu Pu Thawng Hi te nupa hi Hakha ah an kal. An fapa tlangval pakhat tu cu a um in pumpululh chuihnak ah a kal. A kangh lio ah hohmanh an um lo. A kangh ning hi Electric Shok a si men lai tiah kan ruah. Suimilaam 4:00PM leeng i mei a rat than ahkhan a shok mi zong a si kho. Inn ah hohmanh an um lo, rawl zong aa chuang lo,” tiah The Hakha Post ah a chim.

Hi innkangh ruang ah, thil pakhat hmanh an chuah manh lo. Aa khawng mi zong an um lo tiah theih a si.

Cherhchan: The Hakha Post