UNu, Newin Te Kanan Tuak (or) Lemh Thai Kan Si Sual Te Hnga Maw?

Mah tlangtar hin 2020 election campaign chungah khan ka tial nain ka lim deuh lo pinah CBN in interview hna kan tuah pah tikah CNLD lei in tamdeuh nih can a kan pek i, NLD in upa tamdeuh , USDP, le Salai Lung Thli Tum hna tu cu can an ngeih khawh lo caah kan tuah kho hna lo.

Khatlei ah CNLD candidate pawl le riantuantu hna tamdeuh kan tuah hna tikah Party ah side an la ti zong a vun si than tikah ka tim than. Cu hnu ah Mizoram kan unau hna le Vai karlak ah a chuakmi thil tete zoh tikah mah ca thlah ruangah miphun kong ah ningcang loin thil a chuak lai ti zong ka phang pah fawn.

Atu cu thimnak zong a dih cang. NLD le CNLD upa hna zong hmunkhat te ah unau thisen tlai rawl zong an dum ti cang hna. Cozah sertu nih Chin miphun ca thiamthiam ah rian an tuan lai. CNLD ah a ummi Chin mipi zong nih an hnu in dirpi in kan miphun caah tuanpi can asi than cang lai.

Cu caah mah ca ka vun thlah i a relmi zong nih VP2 heih a doh ko hi, NLD pei a doh ko hi tiin a ruatmi zong nan um lai. CNLD heih a tnah a ziau ko hi a timi zong an um kho men. Cu bantuk si loin cu hlan, atu lio Chin ram dinhmun le kawlram tlangcungmi hna dirhmun le sining tete zong ah hmun pah asi cangmi le hmailei Chin phun dirhmun cuan in ka lung um ka tialmi asi.

Keimah ka thlacamnak ahcun tu 2020-2025 hi cu Chin nih president tleih lawlaw ding hi a can asi. Kan pa Pu Henry Van Thio hi Bawipa nih president ah hlangcho lawlaw seh, amah kut hin Kawlram ah a kharmi innka ihong cang seh tihi ka thlacammi zong asi.

Cu lung-um bia hna cu duhsah tein Chin Broadcasting Network ah kan vun thlah lai. Atlangpi hna (1) Unu, NeWin te kanan tuak le dolh a kan timhning system (a)Ram-ri (b)Fimcawnnak (c). Cin Thlaknak (d) Ngandamnak (e)Sipuazi (f) Thanchonak (g) Biaknak (h)Holhca, nunphung, (i) Zalawnnak le Hriamnam (2) Milu (3)Thanchonak le election (4) Atu in hmailei kan dirhmun asi khomi Duhsah tein CBN(Chin Broadcasting Network ah kan vun thlah te lai. Rak rel ve ding in kan sawm. Credit : Pi Sui Chin