Unau pa nih nungak kum 20 cu an dehnak i, an duh poh i an tuah hnuah caan saupi an zuarter i a hmuh mi phaisa zong an mah nih an i lak

UK, London i um mi Romania unau 2 lLcic Dumitru (kum 19) le loan Dummittru (kum 24) nih April 2019 ah khan Romania nungak 20 mi cu an kawh i, rian thatuk tuan ding a um an ti.

Factory ah rian tha tuk mi tuanding a um i hlawh zong a tha tuk tiah an deh i, cu ticunLuton Airport ah an don i a phak bak in a passport le decuments pawl an chuh dih.

A phak zaan ah mithlang tuk dingin an tamh ter i, naa zuar lai tiah an fiali, nikhat ah pa 10-15 kar nih an ih pi ringring. nikhat ah 1,000 peng a hmu nain ilcic Dumitru te u nau nih an lak piak thluh , cuticun inchung ah an kharkhumh i pa he cun an ih ter peng.

Amah lawng i lengchuak an senh bel lo i, an zulh ringring a ihpi tu hi khuak deuh lawng te an si caah, nau a pawi i an ka thlak piak lai ti a phangtuk.

Nau a pawi buin nichiar pa he an ih ter i a chei lo ngai, Zankhat cu khual fel ngai pakhat nih a hlang i, a konglam pawl a hal i, mah nnu cu tleihhrem a si nak pawl cu a chim. A rauh hlan ah fapa a nei i, zarhkhat hnu ah khual fel tuk mipa cu cu nu sin ah a ra than i, a thli tein mobile phone a pek.

Romania i a um mi a chung le pawl cu a chawnh hna i, cozah sinah an theih ter. Romania cozah nih UK cozah sinah an theihter hna i ilcic Dumitru te unau cu an tleih hna.

An konglam an dothlat hnuah Woolwich Crown Court nih Il cic Dumitru cu kum 15 thlathum chung thongthlak ding le a u Loan Dumitru cu kum 16 chung thongthlak dingin bia an ceih hna. Romania Nungak nu le a fapa te zong siizung ah an tuamhlawm hna i an dirhmun a tha ngai tiah theih a si.

 101 total views,  1 views today

This function has been disabled for Chin 11 News.