Nihin UN tonpumhpi ah SAC ai-awhtu i tel lo ding in US le Tuluk an lungtling tiah thawngpang leng
Nihin September 14, UN General Assembly (Tonpumhpi) ah SAC ai-awhtu biachimnak nawl pek lo ding/ i tel lo ding in Tuluk le US lungtlinnak an ngei tiah thawng a leng. “Tutan tonpumhpi ah SAC phu i tel lo ding in thazaang thawng mi ram pahnih cu caan la in ceihmainak an ngei,” tiah US hrambunh Foreign Policy cazual nih a tial.
Hi kong ah SAC phu telnak nawl pek lo lawng si loin NUG ai-awhtu U Kyaw Moe Tun zong biachimnak nawl an pe lai lo, tiah Tuluk le US hnatlak (lungtlinnak) ah aa telchih tiah thawngpang a leng fawn. Tuluk le US ceihmai mi phichuak cu EU, ASEAN le Russia pawl zong an lungtling tiah Foreign Policy nih a langhter fawn, tiah BBC nih a tialchin.THT
Relchap:Mizo Zirlai Pawl (MZP) nih september 13 ah khan cathanh chuah in mipi cozah hrawh in democracy ralhrangbu nih phungninglo in nawlngeihnak an lak mi cu a poi kan ti taktak.
Ramchung buainak ruangah Myanmar ah a um mi kan unau hna nih Mizoram ‘Zofa te Jerusalem’ ah i dor dingin an rak panh mi cungah lunglawm tein kan don hna i, Mizoram ah a rak i dor mi hna cu hnangam tein um ding le Duhdawt nak he a rak zohkhentu Mizo mipi cungah lunglawmhnak tampi kan ngei tiah a langhter.
Mipi nih nawlngeihnak an ngeih thannak dingin dohthlennak an tuahmi cungah MZP nih kan dirpi i, Kawlram thil si ning zoh ah himnak kawlin a rak i dor mi zong an um rih lai caah lungrual a hau chinchin lai.
Zofa hna cu kan duh ruangah si lo in a kan uktu hna nih an duhduh in then mi kan si ruangah ram dangdang ah a um mi hna kan si ti a thar in theih than buin, kan unau ralzaam hna cu a si khawh chungin bawmh rih dingin Zofa hna vialte timhtuah rih ding le mipi an nawl.
Lalthakima
Secretary
Publicity
Leave a Reply