Uknak Tha Kan Duh Ahcun Mipi Nih Ramkheel Lei Ah Kan Tan Deuh A Hau

Chin Ram chung khua sa a tam deuh nih an chim tawn mi cu, “Kei cu ramkheel (politics) hi ka uar/zuam phun a si lo, Kasaih winsa lo ati mi an tam ngai. asinain cu bantuk a chim mi hna nih uknak tha cu an duh tuk thiamthiam ko.

Cozah sernak hi Mipi kut chung ah a um mi a si. cu tik ah Party chung in a fel he fel lo he thutden an van I cuh lulh tik ah mipi vote hmuh nak ding ah a dik lo mi politics hmang in an in hlen lai. cu tik ah mipi nih ramkheel lei ah na rak uar lo ruang ah ramkheel mit in vote pek le pek lo ding Party /minung na thlei dang kho ti lai lo I na vote kha na ral pa kut ah a phan kho men mi a si.

Cucaah Mipi nih cozah tha le uknak tha kan duh taktak ko ahcun ramkheel lei hi kan uar le kan thiam deuh a herh cang. thutden duh ruang ah an in hlen caan a nai cang hih. hlennak politics thleidan khawhnak cu ramkheel lei ah na mit kau deuh in au, na hna tung cang.
Vote ngeitu mipi kan hruh tuk ahcun kan vote ngeih mi nih kan duh lo tuk mi Party kha cozah a ser ko lai.

cucaah nihin thawk in ramkheel lei ah na lungthin chia ve cang. hiti kan ti tik ah na pawcawmnak rian kha kal tak in ramkheel tuah a herh lo, na um hmun le na ihkhun cung te khan ruat, ca tampi in rel law ram le miphuna ser kho ding mi Party le minung cu na hngalh lai.

cu na hngalh mi cu dirpi ko. cingla rual chan le hawi le kom sinak ruang ah na vote kha bung hlah, ram le miphun a ser siam kho ding Party le minung caah na vote kha bungvial ko. Cozah tha lo uknak a duh mi lawng nih, khua tuak tan lo in hawi le kom si ruang, hmai khah lo ruang ah an vote an vaivuanh dih tawn. cu nih cozah thalo a chuah ter.

By: Rolian

 231 total views,  1 views today

This function has been disabled for Chin 11 News.