SAC Ralhrang Nih Sintaung (ဆင်တောင်) Phungki Sianginn Cu Luhhnawh In Siang Ngakchia 3 Zong An Tlaih Hna
Mandalay ramthen Mukuk (မိုးကုတ်) khuapi chungum Sipin Taya sangah a ummi Sintaung phungki sianginn cu SAC ralhrang nih an luhhnawh thilri vialte zong an hrawhpiak dih hnuah siangngakchia 3 zong an tlaih tiah khuami nih an chim.
Nov 26 zinglei 5 sml 5:30 hrawngah SAC ralhrang nih thazaang tam taktakin an rak luhhnawh i, cuka ummi phungki pakhat an kawl nain an hmuh lo caah siang ngakchia 3 hna cu an tlaih tak tiah theih a si.
Zeibantuk phungki dah an kawl theih a si lo i, zingka tein an rak luhhnawh, an kawl nain an hmuh lo caah siangngakchia 3 an tlaih hna pinah sianginn thilri tampi zong an hrawh tiah khuami pakhat nih a chim.
An tlaihmi siang ngakchia 3 hna cu khuizei ahdah an kalpi timi theih a si rih lo tiah khuami nih an chim.Ref: DeltaNewsAgency,TFT
Leave a Reply