Uico Ralhrang Nih Minung Tamtuk An Tlaih Hna I, Thong An Thlak Hna Caah, Thongtla Pawl Ei Dingah An Buai Cang Ee

Ralhrang nih phungning lo in mipi an tlaih hna i thong an thlak hna caah thongtla an tamtuk i eiding an har cang, tiah theih a si. An rawl a karh deuh nakding ah facang le pee an chumhmi hna cu soda tamtuk an telhpiak hna tiah ramkhel lei thongtla cheukhat hna chungkhar sin in theih a si. Kayin ramkulh, Pha-aan (ဘားအံ) peng thonginn ah, zinglei rawl ca ah buh le tisa-sen(ရေနွေးကြမ်း) lawng an pek hna, tiah theih a si.

Cun, a thla in a rau cang i a buar cangmi hmathak le pee hna cu an chumhpiak hna, facang le pee cu mitampi nih eikhawh ding in le a karh khawh nakding ah soda a hleihluat tuk in an hman. Thongchung a lutmi ca hna zong ralring deuh tein checkhlatnak an tuah hna i thongtla mi hna chung in zung chuah checkhlatnak a um tik ah sih-ni ca zong ah luhchuahnak nawl an rengh hna, tiah ramkhel lei thongtla pakhat nih a chungkhar sin a kuatmi caṭial ah a langhter. Cu cakuat cu Yangon Khit Thit Media sin ah a phan ko nain ramkhel lei thongtla ca kuatu a himnak ding ah cu caṭial cu langhter a si lo.

Cun, Yametin (ရမည်းသင်း) thonginn zong ah ramkhel lei in thongtla mi hna cu thonginn nawlngeitu hna nih faak tuk in an hrem hna, phaisa lei ziknawknak zong a tam, tiah theih a si. “Yametin (ရမည်းသင်း) thonginn ah assistant superintendent Naing Naing Tun cu phaisa a ei taktak, a mah umnak a phanmi hna cu phaisa a hal hna i an pek lo a si ahcun toilet pawng ah a ihter hna, phaisa an pek a si zong ah an pek lio caan lawng ah a ṭha i an pek ti lo a si ahcun an cung ah a nawlngeihnak a langhter. Thongtla mi hna chungkhat pawl cu phone chawnh in phaisa a hal hna, toilet pawng an ih lo nakding ah 50,000 mmk in 150000mmk tiang pek a si.

“Cun, thongtla cu hrem zong an tong tuk, phungrelnak caang poh-mah 505 in tlaih a tong mi hna zong phaisa an pek lo ahcun hrem an tong. Cuka thonginn(အကျဉ်းထာင်) ah a tla mi hna cu u-pa-di ning ah hremnak nawl a um lo, nain hrem an tong ṭhiamṭhiam ko,” tiah ramkhel lei thongtla chungkhar pakhat nih thil sining cu a chim. Ralhrang phu hna nih nawlngeihnak la in, ralhrang uknak a dohtu mipi 10,000 leng cu phungning lo in an tlaih hna hnu ah thong(အကျဉ်းချ) an thlak hna, tiah checkhlatnak a tuahtu hna cathanh chuahmi ning ah theih a si. Khit Thit Media

THAWNGPANG DANG: Kantbaloe Ah Ralhrang Chuah Mi Tiger Beer Le Adman Beer An Hrawh!; Sagaing ramṭhen, Kantbaloe (ကန့်ဘလူ)- Kawlin lam hmunkhat ah nihin January 20, zinglei suimilam 6:20 hrawng ah Kantbaloe (ကန့်ဘလူ) in Kawlin lei a kalmi motor hna chung in ralhrang phu nih an serchuahmi Tiger beer le Adman beer hna cu mipi ralkap nih an hmuh caah an tlaih i, an hrawhdenpiak dih hna tiah theih a si.
Cu beers a phortu motor hna cu checkhlatnak an tuah dih hnu hna ah ralrin peknak cathanh zong an rak chuah cang. Cu hnu ah atu bantuk in mipi ralkap duhning zulhpiak lo in mipi cohlan lo mi thil phorh ṭhan a si caah an hrawhdenpiak dih hna. Cun motor mawngtu hna zong hmailei ah mizapi nih cohlan lomi ralhrang phu hna thilchuah phorh ti lo ding in ralrin peknak an tuah hnu ah an thlahṭhan hna, tiah Khit Thit Media nih a ṭial.

Be the first to comment

Leave a Reply

Your email address will not be published.


*