Uico Pa Biachim Ninghngal Ning Le Fihnun Khawh Ning Cu!

“Kap tak hna usih law minung 500 nan ti mi hi nazi tem tem a thi ding ceo an si”

Kawl ralkap nih uknak an lak thla 2 leng a si cang mi chung ah minung 600 leng an thi cang. Ralkap lei nih thawng an lak mi chung ah Pa 237, Nu 11 le hma a pu mi minung 401 an si, ti a si. Mipi hi hriamnam ngan in kap taktak hna u sih law nan chimmi minung 500 hi cu nazi țem ah a thi ding ceo an si, Ralkap lei chimphuannak nawl a neitu Zaw Min Tun nih nihin press conference an tuahnak ah a chim.

Kan mah lei rapkap zong kan palhnak a um kho men ko. Kah sualmi zong an um i ralkap pumpak thinlung umtu ninh lei hoih in kah mi zong an um. Cheukhat a zi kan zut ding mi hna zong an um ko, tiah Zaw Min Tun nih a chim chap. Febuary thla ni 1 in April ni 8 tiang ah minung 614 an nunnak a liam cang.Nikhat ah minung 9 tluk an thi tiah thongtla pawl a bawmtu (AAPP) nih thawng an thanh.

Crd- Irrawady /via- Teirial Catialtu. Ref: Salaikawltu.com

Relchap: Ralkap nih tlaihmi Kalay Civil Army (KCA) Minung 18 chung in 7 an thlah than hna.

Kalay – Tahan KCA umnak ralkap nih an kah i April 7 ah an tlaih mi hna KCA menbers 18 chungin tu ni ah minung 7 cu thlah than an si cang tiah thawng kan theih.An thlah than mi minung 7 hna cu Kalay pengkulh chungin minung 3 le Tedim mi 4 a si tiah thawng kan theih. Nizan ah KCA chungtel a si lai tiah ruahdamh mi minung pathum zong an rak tlaih chap hna.

Crd- The Chinland Post.