Uar An Um Tuk Ee! Hakha Or Mindat Lei Kal Aa Timmi Ralhrang Cu KRDA Nih A Kham Hna!

Kalay in Chinram lei a Rak Kaimi SAC Ralkap pawl Saetaw (Angteng) Pawng ah Mipi nih an Kah Hna! Nihin zaanlei sml. 5:30 hrawng ah Kalaymyo peng, Saetaw (Angteng) khua pawng ah Kalay mipi ralkap “Kalay Region Defense Association” (KRDA) le SAC ralkap an i kap, tiah thawng kan theih.

Kalaymyo in Chin ramkulh, Hakha (asiloah) Mindat lei ah kal a timmi SAC ralkap pawl cu Seataw khua pawng ah KRDA nih an kah hna hi a si. I kahnak ah hliam a pumi le a thimi an um le um lo theih a si rih lo.

Saetaw khua hi Kalaymyo peng le Chin ramri, Kawlrawn tlaknak zawn ah a ummi a si i, Laimi nih cun Angteng khua ti zong in an auhmi a si. Seataw (Angteng) khua ah a ummi mi tam u i Khualsim pawl an si hna. Credit: The Chin Journal

Relchih Bak Ding: Chin mi chung in CDM lut lomi palek le ralkap hna i tuak uh, Min Aung Hlain caah ral nan doh, nan thih zongah an thi lo, an nung ko tiah nan pu Min Aung Hlain nih na chungkhar, na khua le vawlei pi sin ah a thanh lai, hihi na ruah ah na celh ko maw. CDM alut mi le ralkap ado mi hna cu an thih cu chim hlah, hliam an tuar hmanh ah upatnak roca le ram ca pasal/nusal sinak mipi nih kan pek hna.

Nan nih Min Aung Hlaing caah meithal aa tlaih mi palek le ralkap pawl, ralkut in hliam nan tuar cu chim hlah, nan thih hmanh ah nan pu Min Aung Hlaing nih aa theih ter duh lo, an thei hna lo, amah MAH caah harnak le thihnak na ton hmanh ah khuaivah seh hmanh,atluk lo an ti piak mi hna hi ruat,,,

Min Aung Hlaing caah hmanh ah na nunnak na sian ko ahcun mipi caah nunnak pek cu thil har asi tung lo. Khua hi tuak deuh uh. CDM luh kan in sawm mi hna hi miak kan duh caah asi lo, na thlah hlawh kan hnahchuah ruang ah asi lo. Nangmah le na chungkhar kan dawt caah le rampi khamh kan duh caah pei asi ko.

Min Awng Hlainh ca thih maw na ham lai mipi ca thih dah? Min Awng Hlaing ca thih cu zungzal thihnak Mipi ca thih cu thawhthannak Min Awng Hlaing ca harnak ton cu sunghnak. Mipi ca harnak tuar cu zungzal luatnak #Lairam Laipa